السلام عليكم
ازيكم أخواتي الحبيبات طبعا زي ما أحنا متعودين نقف مع بعض في الحلوة والمرة
أرجوكم
ممكن ألاقي فتوكة من الفتوكات تقف معي بجد وتاخد بيدي بجد
الموضوع وما فيه أني بعد ما انتهيت من مرحلة الجامعة وكنت ماشية زي الفل بفضل الله فجأة حصل لي حاجات غريبة كده
طبعا مش هدخل في التفاصيل عشان مطولش عليكم
بسأكيد ال مجربة هتعرف بدون ما اتكلم
وبقيت حاسة أني بموت وكده المهم فضلت أحارب الموضوع دا لحد ما وصلت أني رحت لدكتور نفسي
وقال أن الموضوع بسيط قوي واسمه حالة هلع
وبعد ما رحت له تقريبا بمرة واحدة بدأ يجيلي حالة إغماء ودا مكنش بيجي لي قبل ما اروح له
المهم جريت طبعا عليه قال لي دا طبيعي دي حالة عارضة ملهاش دعوة بحالة الهلع وفعلا مرة كده ولا حاجة معنتش شفتها
انا كنت بروح له تقريبا كل شهرين ونص مرة او كده هو كان بيقول بعد 3 شهور وانا طبعا ساعات كنت ألاقي نفسي أني لازم اروح له
وعلى فكرة هو دكتور مشهور قوي وبيجي على التلفزون على طول اسمه محمد المهدي
معلش استحملوني لأني بجد تعبت قوي من الموضوع دا
ودخلت هنا على فتكات وبحثت عن الموضوع دا فعلا لقيت بنات هنا كتير بيطمنونا أنهو مش مرض ولا حاجة
بس أنا قلقانة قوي لأن اول ما رحت له قال لي الحكاية كلها 8 او 9 شهور بالكتير
وطبعا زي ما قلت لكم بقالي سنة ونص بروح له
لدرجة أني بقول أنه خلاص مش هيروح من عندي
وبدأ يأثر على تفكيري جامد أرجوكم لو واحدة تكون خبيرة نفسية او طبيبة أو حتى تدلني أني اكلم اي حد
ما تبخلش عليا
لأني والله بتعذب جامد يا فتوكات
وصل بي الحال أني تركت كل الأدوية وقلت خلاص مش واخدة حاجة
بس ال تعبني اكتر أن حالة الإغماء رجعت لي تاني هي بفضل الله مش كتير ولا طويلة بس بصحا منها وأنا اصلا ممكن لا اشعر أني أغمى عليا غير لما ال حوالي هم ال بيقولوا لي
آسفة آسفة على الإطالة بس والله نفسي تقدروا موقفي وتقدروا أد ايه أنا تعبانة من الموضوع دا
وكلمة أخيرة نسيت اقول لكم أني لجأت لطريق الحجامة والقرآن برضه عملت حجامة تقريبا 5 مرات
وأولا وأخيرا الحمد لله على اي حال وربنا يجعلكم سبب لي في الراحة والشفاء
وربنا يعافي كل من هم مثلي لأنه مرض فعلا صعب لما تحسي أنك متدمرة من كل النواحي وال حواليكي مش حسين باي حاجة ويعتقدوا أن الموضوع بمجرد خروجة ولا تسلية هيروح
مستنية ردودكم بس يريت ال تكون جيبالي حل او كده تكتب لي على الخاص
لؤلؤة الإسلام2017 لؤلؤة الإسلام2017 713558_1.gif فتكات هايلة Fatakat 713558 Dammitta – Egypt