السلام عليكم يافتوككككككككات ياحوامل وياللى مش حوامل ربنا يرزقكووووووو يارب بالذريه الصالحه
استحملوووووووووووونى بقى لانى هحكى بالتفصيـــــــــــــــــــــــــــــــل الممل
ادخلكو بالموضوع انا كان المفروض ولادتى فى 27_7 المهم انا عايشه فى القاهره مع جوزى بس انا اصلا من المنصوره ولسه كنت فى اخر سنه دراسه
المهم فى شهر 6 اللى فات نزلت عند بابا فى المنصوره علشان امتحانات اخر السنه فى الجامعه وقتها كنت فى الشهر التامن جوزى جالى المنصوره فى اخر اسبوع امتحانات وقالى اننا نسافر على القاهره اول مااخلص امتحانات وابقى انزل تانى قبل ولادتى باسبوع لانى هولد عند بابا
المهم جه ليله الامتحان بتاع اخر يوم اكلت وقعد مع جوزى شويه وقلنا ندخل ننام كنا بعد الفجر قلت انام ساعتين وبعد كده اروح الامتحان
واجى انام الاقى ضهرى وجعنى اوى وبعد شويه الاقى جنبى وجعنى وبعد شويه الاقى بطنى وجعتنى والوجع يروووووح ويجى بس مش عارفه انام
قلت لجوزى انى تعبانه اوى ومش قادره لازم اروح للدكتور بتاعى قبل مااروح الامتحان المهم كانت الساعه بقت 8 الصبح اتصلت على الدكتور قالى تعالى دلوقتى ركبنا عربيه علشان اروح للدكتور والوجع يزيد وانا خلاص جبت اخرى وقعدت اعيط جاااااامد والوجع يروح ويجى رحتله وكشف عليا قالى انه الرحم ضاغط على الكليه جااااامد وهوه اللى عامل الوجع وانه لازم اخد مسكنات لان هيفضل كده لحد الولاده سالته على ميعاد ولادتى قلتله انزل امتى من القاهره علشان اولد قالى انزلى على 20ان شاء الله وان الطفل بخير وكل حاجه تمام
بابا راح جابلى العلاج علشان اخده قبل مااروح الامتحان امتحانى كان واحده الضهر المهم خدت حقنه مسكنه وحبايه وكان وقتها الساعه بقت 11
لبست وقلتلهم انا ماشيه جوزى قالى هاجى معاكى علشان مكنتش لسه خفيت ولا المسكنات اثرت اصلا المهم رحت الامتحان وعلى امل ان المسكنات تاخد مفعوووووووول مفيش فايده برضه حسه بوجع جامد ويروح ويجى
المهم دخلت امتحنت وطلعت والجو كااااااااااان نار ومشيت انا وجوزى كتييييييير فى الحر على مالقينا نركب علشان نروح المهم روحت اكلت بصراحه دبتها صح ههههههه وخدت حبايه تانيه مسكنه علشان تعمل مفعول ومفيش برضه فقلت لجوزى انا هحاول انام شويه علشان منمتش
نمت على الكنبه اول مالوجع يجى تلاقينى صحيت وجسمى ارتعش واول ماتروح اهدى اووووووووى وادخل بالنوم قمت على المغرب رحت الحمام فبغسل وببص على ايدى لقيييييييييييييييييت دم كتيييييييييييييير فى الاندر اتخضيت اوى
اتصلت على الدكتور قالى تعاليلى حالا جوزى كان نايم صحيته وواحده صحبى وجارتى كان ليها اعاده عند الدكتور جت معايا
طول الطريق حسه انى هولد بس عماله اتوه وجوزى عمال يقولى ممكن الدم دى يكون جرحتى نفسك طب ممكن الدم دى يكون من كذا وانا اقوله بطل بقى يادكتور والله انت اللى هتجبلى ولاده مبكره ههههههههههههه كان عمال يتراخم عليا
رحت للدكتور وكشف عليا نسا لاول مره ولقيته قام قايلى هوه الامتحان عمل معاكى ايه كده دى انتى هتولدى انتى على الاخر قام راح مركبلى كالونا
طبعا اول ماسمعت انها ولاده روحى راحت فى رجلى من الخوف هههههههه التمرجى خدنى فى اوضه وركبلى محلول يحمى الطلق واعوذ بالله من المحلول دى بس تنزل منه نقطه بتلاقى نفسك بترقصى رقصه المجنونه على السرير وبطنى حجرت اوى وحسيت روحى بتطلع
قعدت اقول لجوزى شغلى صوره البقره وصوت فى التمرجى قلتله انت حطتلى ايه حرام عليك كل شويه الدكتور يجى يكشف عليا نسا كشف زباله وبعد ربع ساعه قالهم هاتوها اوضه العمليات
روحت اوضه العمليات واشتغل الصويت اللى على اصوله اقولهم حرام والله انا بموت اقسم بالله انا بمووت ياااااااااااااااااااااارب
وقلهم انا عاوزه اروح الحمام ههههههههههه يقولولى اعملى حمام ههههههههه مفيش مهرب
انا كيس الميه عندى مكنش اتفتح الدكتور قعد يعمل بايده حجات غريبه كده وانا اقوله محدش يوسعنى هههههههههههههههههههههه مانا مش فاهمه بيعمل ايه وفجاه لقيت حنفيه ميه نزلت منى
والدكتور قالى هانت يالا طلقه واحده وخلاص وانا اجى اخد الطلقه لتحت القينى صوت
حطلوى اكسجين وخلى جوزى يمسكهولى الممرضه مكنتش راضيه تخلى جوزى يدخل بس اصر قام الدكتور قاله تعالى بس اقف على الباب
بس جوزى حبيبى كل شويه يسحب يسحب لحد ماجه عندى هههههههههه
اصله مضايق من الدكتور واللى موجودين كل شويه يبص يشوف الدكتور بيعمل ايه هههههههههههه وصاحبتى دخلت معايا كمان وتهدينى
اول مالولد راسه نزل حسيت براحه اوووووووووووى بس يعينى كان ناقص وصغير ومعيطش الا بعد فتره كنت خيفه عليه اووووووووى
الدكتور عطانى ابره وخيطنى وروحت على اوضه طبعا مكنتش جبت معايا اى حاجه خالص لهدوم ولا اى حاجه مانا فاكره انى مش راحه اولد ولا جبت للنونو حاجه
كانت واحده ريحه تولد ورايا اخدو مفرش ابنها علشان يلفو بيه ابنى ويودوه الحضانه
واخيرا ابنى راح الحضانه وطلع منها بعد4 ايام وكنت زعلانه اوى علشان هوه فى الحضانه
واللى عاوزه اقوله لاى واحده ان ربنا بيسر جدااااااااااااااااا والله انا مامصدقه انى ولدت لحد الان لان ولدتى كلها على بعضها ماخدتش نصف ساعه والحمدلله ربنا رزقنى باحلى مروان فى الدنيا
ادعولى ربنا يشفهولى ومتضيقوش لو طوللت عليكو انتو زى اخواتى
ربنا يرزق كل مشتاق ياااااااااااارب
ست الدار2017 ست الدار2017 images/flowersavatars/avatar0011.jpg سوبر فتكات Fatakat 497511 القاهره – مصر