كل سنه وانتم طيبين ويارب يتقبل منا ومنكم صالح الأعمال ويعنا على ذكره وشكره وحسن عبادته جزء رمضان وصل يا فتوكات يالله كل واحده تكتب وزنها وطولها سواء من القدام أو الجداد
بعد ما نستعين بالله
الكلام بقلم the real one (مرمر)صاحبة الموضوع
اهلا اهلا بكل الفتوكات حبايبى
انا جمعتكم النهاردة عشان ……………..
لا مش عشان مش فاضية بكرة
انا فاضية علطول اساسا
وبما انى فاضية علطول يبقى باااااااااكل علطول
لحد مابقيت زى ايه؟
زى شوااااااااال القطن
"على فكرة فالبيت عندى بيقولولى كدة"
وعشان كدة جمعتكوا
انا مشكلتى مش انى مش بخس
لاااااااا
مشكلتى انى بحب الاكل
ومفيش عصايا سحرية هتخلينا ناكل ومنتخنش او ناكل ونخس
يبقى الحل ايه؟
الحل اننا نعمل جروب نشجع فيه بعض على الالتزام بالدايت و على الرياضةو على اننا مناكلش
بصوا بقا يا بنات
انا وانا خارجة من ثانوية عامة وداخلة الجامعة
كان وزنى بالظبط 102.4
تخيلوا بنت لسة مادخلتش الجامعة وزنها فوق ال100
المهم رحت لدكتورة وزنتنى وقاست طولى
وعملت حاجة عالكمبيوتر قالتلى بعدها
معدل الكتلة عندك 40.5
انا طبعا ولا فاهمة يعنى ايه معدل الكتلة ولا عارفة 40.5 دة كويس ولا وحش
انا اساسا كنت لسة مافوقتش من صدمة انى فوق ال 100
المهم فهمتنى ان معدل الكتلة او دليل الكتلة دة
حاجة بنعرف بيها وزننا طبيعى ولا لا واحنا فمرحلة ايه
الوزن الطبيعى معدل الكتلة بيكون من 20 ل 25
لو زايد عن الطبيعى بيكون من 25 ل 30
لو انتى بدينة هيكون من 30 ل 35
لو بدينة جدا هيكون من 35 ل 40
لو مفرطة البدانة هيكون فوق ال 40
ان ان ااااااااااااان
يعنى انا مفرطة البدانة
مرحلة مفرطة البدانة دى يا بنات مرحلة الخطر
اللى فيها بعد الشر علينا كلنا بتبتدى الامراض المرتبطة بالتخن تحصل
زى القلب السكر الكوليسترول الحاجات الحلوة دى
بعيدا عن كل الرغى العلمى الممل اللى انا قلته دة
والفتوكات حبايبى اكيد مستفادوش منه حاجة
انا نويت اعمل دايت هيـــــــــــــــة
وكل اللى ناوية تخس وتغير حياتها كلها وشكلها وصحتها
اهلا بيها معايا
بصوا يا بنات انا مايهمنيش العدد
يعنى لو واحدة بس اشتركت معايا فالجروب اوك
لو مفيش برضو اوك هكمل وحدى
لانى فالاخر انا المستفيدة
انا بدخل قسم الرشاقة من زمان
لو كنت من زمان اشتركت فجروب كان زمان وزنى اقل دلوقتى وكان زمان ليا اصحاب كتار فالمدونة
لكن انا كنت بالظبط عاملة زى كدة
عمالة اجمع فانواع دايت
واعرف معلومات
واشوف جروبات وبرضو باااااااااااكل
وطبعا كدة عمرى ما هخس
وانا معنديش استعداد اضيع عمرىكله وانا تخينة
عشان كدة انا هبدا من بكرة ان شاء الله
انا وزنى من 95 ل 94 هتاكد بكرة ان شاء الله
وطولى 158
وسنى 19.5
واسمى مرمر
انا عديت الحمدلله مرحلة البدانة المفرطة وفمرحلة بدينة جدا
والجروب ان شاء الله هيتقسم ليفلز من 1 ل5
5 هيكون مرحلة البدانة المفرطة
4 بدينة جدا
3 بدينة
2 زايدة عن الطبيعى
1 الوزن الطبيعى او المثالى ودة طبعا هدفنا كلنا
كل واحدة على حسب طولها ووزنها هتدخل على ليفل وهدفنا ان شاء الله طبعا
اننا كلنا نوصل لليفل 1
صحيح انا شكلى مبقيش تحفة لما طلعت من ليفل 5 لليفل 4
بس عالاقل بعدت عن مرحلة الخطر
وصحتى بقت احسن شوية ونفسى بقى احسن بقيت بقدر امشى فترة اطول شوية من الاول
بس زى ماقلنا يا بنات الحكاية مش سحر
كل حاجة هتيجى ان شاء الله بس فمعادها
دلوقتى كل اللى عايزة تشترك تكتبلنا لوك لوك اليوم وبعدين هتكتب اسمها وطولها ووزنها
وانا هقولها معدل الكتلة عندها كام وهتكون فليفل كام وكدة تكون اشتركت
ولو حابة تروح تجيب مازورة
وتاخد مقاساتها وتكتبهم عندها
وكل شهر كدة قيسى تانى
بجد هتفرحى اوى لما تلاقى مقاسك بيتغير
كدة عرفنا الجروب هيتقسم ازاى ونشترك ازاى
مش فاضل غير الجروب هيمشى ازاى
اولا كل واحدة حرة تختار الدايت اللى هى عيزاه سواء تخفيف او كيميكال او هرم غذائى او تمر ولبن براحتكوا
ثانيا لازم يا بنات لو سمحتوا نكتب يومياتنا كل يوم مش غلاسة منى ولا بفرض عليكوا شروط لا بس هو دة اللى بيشجعنا لما اشوف كل اللى حواليا ملتزمين وماخرفوش فالدايت بتاعهم هلتزم انا كمان
واحنا مش هنسميها يوميات عشان ماتكونش غلسة هنسميها لوك لوك واحنا اساتذة فاللوك لوك
هنتعرف ونتصاحب على بعض هيكون وقت لذيذ
وطبعا لو مخرفة فالدايت عادى جدا انك تكتبى دة فاللوك لوك بتاعك
ثالثا اللوك لوك هتقولى فيه الفطار والغدا والعشا وكل وجبة تلتزمى بيها صح وماتخرفيش هيكون عليها نقطة فاخر الاسبوع هنجمع النقط اكتر واحدة جابت نقط هتكون المزة
واقل واحدة جابت نقط هتكون باكابوظة
رابعا الفتوكة الشاطرة اللى عاوزة تبقى مزة وتزود النقط بتاعتها كل يوم هتلعبى فيه رياضة هتاخدى نقطة زايدة اى نوع رياضة من اول ربع ساعة مشى متواصل ليكى نقطة نط حبل جرى تمارين اى حاجة المهم لو لعبتى رياضة فاليوم ليكى نقطة زيادة وحاجة تانى اللى هتشرب لتر ونص ماية او اكر ليها نقطة زيادة وبتهيالى دى حاجات سهلة كلنا نقدر نعملها
خامسا انا اول اسبوع اللى هحط النقط بعد كدة اللى هتطلع مزة هى اللى هتحط النقط فالاسبوع اللى هيا مزة فيه وهكذا لان الجروب بتاعنا كلنا مش بتاعى انا بس
سادسا بنتوزن الجمعه الصبح ياريت والجمعه بيكون الفرى انا بالنسبالى باخد الفرى وجبة واحدة اللى هيا الغدا لكن الفطار والعشا بيكونوا دايت عادى عشان متخنش فالفرى بس انتوا براحتكوا اللى عايزة وجبة ماشى اللى عايزة اليوم كله ماشى
اخيرا يا بنات لو التزمتى انتى اللى كسبانة مش انا انا مش هستفاد حاجة لما الجروب اللى انا عملاه يوصل 100 جزء ويبقوا كل الفتوكات اعضاء فيه لكن كل واحد هتلتزم وهتخس ان شالله حتى كيلو هى المستفيدة
الجروب ان شاء الله هيبدا من بكرة والاشتراك من دلوقتى وزى ما قلت يا بنات انا هبدا مع اى عدد ان شالله ابدا وحدى
بس هكون مبسوطة اكتر لو اشتركنا مع بعض وشجعنا بعض
وده نظام لرمضان للي تحب تمشي عليه
الأسبوع الأول
اليوم الأول :
الفطار طبق شوربه + قطعة لحمه + طبق سلطه+طبق خضار سوتيه +كوب عصير جوافه + ثمره فاكهه ماعدا ( المانجو والتين والعنب والبلح والموز )
السحور علبة زبادي + بيضه مسلوقه + نصف شهده + 1/4 رغيف بلدي
اليوم الثاني :
الفطار طبق شوربه +4صوابع كفتة لحمه مفرومه + ربع رغيف بلدي + طبق سلطه + كوب عصير تانج برتقال + ثمرة فاكهه من المسموح بيه
السحور كوب شاي بلبن + بيضه مسلوقه + 4 معالق فول مدمس + 1/4 رغيف بلدي
اليوم الثالث :
الفطار طبق شوربه + ربع فرخه من الصدر + ربع رغيف + طبق خضار سوتيه + طبق سلطه + كوب عصير قمر الدين + ثمرة فاكهه من المسموح بيه
السحور كوب شاي بلبن + 2 قطعة جبنه ثلاجه + ربع رغيف بلدي + كمثرى
اليوم الرابع :
الفطار طبق شوربه + ربع فرخه من الصدر + 3 ملاعق رز بالبخار + طبق خضار سوتيه صغير + كوب عصير جوافه + ثمرة فاكهه من المسموح به
السحور علبة زبادي + بيضه مسلوقه + نصف شهده + 1/4 رغيف بلدي
اليوم الخامس :
الفطار 2 سمكه مشويه + ربع رغيف بلدي + طبق سلطه + كوب لبن منزوع الدسم و3 تمر جاف
السحور كوب شاي بلبن + بيضه مسلوقه +4 ملاعق فول مدمس + خياره + 1/4 رغيف بلدي
اليوم السادس :
الفطار طبق شوربه + 4 صوابع كفته لحمه مفرومه + طبق مكرونه 4 ملاعق فقط + سلطه + كوب عصير تانج برتقال + ثمرة فاكهه من المسموح به
السحور كوب شاي بلبن + 2 قطعه جبنه ثلاجه + ربع رغيف بلدي + كمثرى
اليوم السابع :
الفطار طبق شوربة عدس + 2 بيضه مسلوقه + نص رغيف بلدي + كوب عصير تانج برتقال + ثمرة فاكهه من المسموح به
السحور كوب شاي بلبن + بيضه مسلوقه + 4 ملاعق فول مدمس + 2 خياره + ربع رغيف بلدي
وممكن تبدلي الأيام مكان بعضها بس تخدي اليوم على بعضه فطاره وسحوره
الأسبوع الثاني
اليوم الأول :
الفطار طبق شوربه + ثمن كيلو كبده + طبق سلطه + ربع رغيف بلدي + كوب عصير تانج برتقال + ثمرة فاكهه من المسموح بيه
السحور علبة زبادي + بيضه مسلوقه + مثلث جبنه نستو + ربع رغيف بلدي + خياره
اليوم الثاني :
الفطار طبق شوربه + 4 صوابع كفتة لحمه مفرومه + ربع رغيف بلدي + طبق سلطه + كوب عصير تانج برتقال + ثمرة فاكهه من المسموح به
السحور شاي بلبن + بيضه مسلوقه + 4 ملاعق فول مدمس
اليوم الثالث :
الفطار طبق شوربة خضار + ربع فرخه من الصدر + ربع رغيف بلدي + طبق خضار سوتيه + طبق سلطه + كوب عصير قمر الدين + ثمرة فاكهه من المسموح به
السحور كوب شاي بلبن + 2 قطعة جبنه ثلاجه + ربع رغيف بلدي + 2 كمثرى
اليوم الرابع :
الفطار طبق شوربة + ربع فرخه من الصدر + 3 ملاعق رز بالبخار + طبق خضار سوتيه + كوب عصير جوافه + ثمرة فاكهه من المسموح به
السحور علبة زبادي + بيضه مسلوقه + نصف شهده
اليوم الخامس :
الفطار 2 سمكه مشويه + ربع رغيف بلدي + طبق سلطه + كوب حليب منزوع الدسم + 3 تمر جاف
السحور كوب شاي بلبن + بيضه مسلوقه + 4 ملاعق فول مدمس + خياره
اليوم السادس :
الفطار طبق مكرونه 4 ملاعق فقط + سلطه + رلابع فرخه من الصدر +|كوب عصير تانج برتقال + ثمرة فاكهه من المسموح به
السحور كوب شاي بلبن + 2 قطعة جبنه ثلاجه + ربع رغيف بلدي + كمثرى
اليوم السابع :
الفطار طبق شوربة عدس + 2 بيضه مسلوقه + نص رغيف بلدي + كوب عصير تانج برتقال + ثمرة فاكهه من المسموح به
السحور كوب شاي بلبن + بيضه مسلوقه + 4 ملاعق فول مدمس + 2 خياره
وطبعا بين كل أسبوع وأسبوع يوم فري
الأسبوع الثالث
قبل الافطار يمكن تناول عدد 3 تمرات من التمر أو طبق شوربة فراخ بدون دسم
وهنا هتبدأ تدخل الحلويات عشان الجسم هيبدأ يحتاجها عشان ميتعبش من الصيام
اليوم الأول :
الفطار 4-5 ملاعق رز مسلوق + خضار ني في ني + ربع فرخه مسلوقه أو مشويه + سلطه أي كميه + فواكه من المسموح بها
السحور ربع رغيف بلدي + 100 جرام جبن قريش + كوب زبادي منزوع الدسم + أي كمية سلطه
اليوم الثاني :
الفطار قطعة لحم مشوي أو مسلوق + أي كمية خضار ني في ني + أي كمية سلطه + 2 قطايف متوسطة الحجم
السحور ربع رغيف بلدي + 5 ملاعق فول + كوب زبادي منزوع الدسم + أي كمية سلطه
اليوم الثالث :
الفطار كوب صغير من الأرز مسلوق + 4-5 ملاعق خضار ني في ني + 1/4 كيلو لحم بتلو مسلوق أو مشوي + أي كمية سلطه + فواكه من المسموح به
السحور 1/4 رغيف بلدي + 2 بيضه مسلوقه + كوب زبادي منزوع الدسم + أي كمية سلطه
اليوم الرابع :
الفطار أي كمية سمك مشوي + أي كمية سلطه + أي كمية خضار ني في ني + قطعة كنافه نص حجم كف اليد
السحور ربع رغيف بلدي + 2 شريحة لنشون + كوب زبادي منزوع الدسم + أي كمية سلطه
اليوم الخامس :
الفطار كوب مكرونه مسلوقه بصلصة طماطم + ربع فرخه من الصدر + أي كمية سلطه + 1 كوب خشاف
السحور ربع رغيف بلدي + بيضه مسلوقه + 50 جم جبنه قريش + أي كميه سلطه
اليوم السادس :
الفطار نصف فرخه مشويه أو مسلوقه + نصف رغيف بلدي + أي كميه سلطه + فواكه من المسموح به
السحور ربع رغيف بلدي + 4-5 ملاعق فول + كوب زبادي + أي كميه سلطه
اليوم السابع :
الفطار ربع كيلو كبده مشويه + مكرونه مسلوقه بصلصه طماطم + أي كميه سلطه + 2 قطايف متوسطة الحجم
السحور ربع رغيف بلدي + 100 جم جبن قريش + كوب زبادي منزوع الدسم + أي كمية سلطه
الأسبوع الرابع
اليوم الأول :
الفطار 2 شريحة لحم مشوي أو مسلوق + ثمرة بطاطس مسلوقه + أي كمية سلطه
بعد 3 ساعات فواكه من المسموح بها
السحور نص رغيف بلدي + 2 بيضه مقليه بقليل من الدسم + أي كمية سلطه
اليوم الثاني :
الفطار أي كميه فراخ مسلوقه أو مشويه + أي كميه خضار + سلطه
بعد 3 ساعات زبادي بالفاكهه
السحور ربع رغيف بلدي + 50 جم جبن قريش + ثمرة فاكهه
اليوم الثالث :
الفطار أي كمية رز مسلوق + أي كمية خضار + سلطه
بعد 3 ساعات عدد 2 بوله أيس كريم
السحور نص رغيف بلدي + 5 ملاعق فول + سلطه + زبادي لايت بالفاكهه
اليوم الرابع :
الفطار نصف كيلو سمك أو جمبري مشوي أو مسلوق + نصف رغيف بلدي + سلطه
بعد 3 ساعات قطعة كنافه نص حجم كف اليد
السحور فواكه
اليوم الخامس :
الفطار أي كمية مكرونه مسلوقه بالصلصه + سلطه
بعد 3 ساعات فواكه
السحور ربع رغيف بلدي + شريحة لانشون + سلطه + ثمرة فاكهه
اليوم السادس :
الفطار ربع فرخه مشويه أو مسلوقه + 5 ملاعق رز مسلوق + أي كميه خضار + سلطه
بعد 3 ساعات عدد 2 قطايف متوسطة الحجم
السحور فاكهه وزبادي
اليوم السابع :
الفطار ربع كيلو كبده + مكرونه مسلوقه بصلصة طماطم + سلطه
بعد 3 ساعات 2 قطايف متوسطة الحجم
السحور ربع رغيف بلدي + 100 جم جبن قريش + كوب زبادي منزوع الدسم + أي كميه سلطه
وكل سنه وانتم طيبين وتقبل الله منا ومنكم الطاعات وصالح الأعمال
أم الصالحيين أم الصالحيين سوبر فتكات Fatakat 404500 سرس الليان -منوفية – مصر