فى الأول يا فتوكات عايزة اقولكم انى فرحانة أوى اوى أن احنا بنبدا الجزء التانى بعد فترة كبيرة من الانقطاع وأنا باعتذر عشان الظروف اللى حصلت ومنعتنى من عمل الجزء التانى على طول
فى الأول أنا هاتكلم على نظام الرجيم اللى هنمشى عليه وعلى فكرة أنا بأكره كلمة رجيم لأنها بتحسس اى واحدة أنها مضطرة تأكل الاكل المعين وده طبعا بيحسسها بالملل وبترجع تانى تأكل
مش عايزين نعمل رجيم عايزين نخليه نظام للحياة نمشى عليا
النظام اللى انا جايبه النهارده هو من الدكتور بهاء ناجى
وهو نظام رجيم ماشى على الهرم الغذائى يعنى هتأكلى كل اللى نفسك فيه أو بمعنى تانى كل العناصر اللى بيحتاجها جسمك بس من غير ما تتخنى بل العكس هتخسى
وكمان اللى ماعندهمش ترهلات أو خطزط بيضاء وحمراء مش هيطلعهم بعد الرجيم لأنهم مش هيفقدوا وزنهم غلط وينزلوا مرة واحدة
وكمان معظم اللى عندهم أنيميا زى حالاتى الحمدلله أو حتى اللى ماعندهمش اول مايعملوا رجيم تلاقى وشهم بقى أصفر وتعبان وكمان الهلات السودا بقت منحوتة تحت عينهم وده طبعا بسسب أنهم ما تناولش العناصر اللى محتاجة جسمهم ةتلاقى شعرهم كمان بيقع وحالتهم بقت وحشة جدا
تحسى أنها مريضة مش بتعمل رجيم طب ليه
مافيش واحدة تقول لا أنا مش هأكل لا زيت ولا سمنة ولا أى دهون لان ده غلط جدا وبيأثر عليها
وفيه معلومة علمية بيتقول انالخضار والفاكهة بتذوب فى الجسم فى الدهون ولما مش بتلاقى دهون الجسم مش بيستفيد منها كويس زى لو كان فيه دهون
وأهم شئ الماء طبعا مافيهاش كلام لازم تشربى مياه كتير يعنى حوالى 8 كوبيات فى اليوم وحاولى توزعيهم قبل الاكل بتلت ساعة
لانك لو خدتيه قبل الأكل على طول الأنزيمات اللى فى المعدة ودى مواد بتكسر الاكل اللى بنأكله الى جزئيات صغيرة عشان الجسم يستفيد منه
كده هى مش هتتغل وبالتلى الأكل مش هيتكسر ومش هيستفيد منه الجسم وهيتحول للدهون هتتخزن فى الجسم والنسبة الأكبر منها تحت البطن
اللى عندهم أنيميا هييشربوا معلقة عسل اسود فى الصبح
او معلقة عسل أبيض صغيرة فى كوب ماء دافئ ودى سنة عن الرسول (صلى الله عليه وسلم)
وكمان فى ناس بتضيف معلقة زيت زيتون صغيرة
النظام اللى هنمشيه عليه هو التالى
الأسبوع الأول
الأفطار اليومي
:
كوب شايأو نيسكافيه بلبن خالي الدسم+ ملعقة عسل نحل+ملعقة مربي دايت
+قطعة جبنة بيضاءاو قربش+2 توست ريجيم أو رغيف سن
الغذاء:
اليوم الأول: 1/4 فرخة + سلطة + خضار مسلوق أو مشوي + 4 ملاعق أرز
اليوم الثاني:
قطعة لحمة مشوية + سلطة + خضار + 4 ملاعق أرز اليوم الثالث: تونة+سلطة + 2 توست أ رغيف سن اليوم الرابع: 1/2كيلوسمك مشوي + 4 ملاعق أرز + سلطة اليوم الخامس : 1/4 فرخة مشوية + 1/4 كيلوبطاطس مشوية أو مسلوقة + سلطة اليوم السادس : علبة تونة + 2 توست سن + سلطة اليوم السابع: 8 ملاعق فول مدمس + ملعقة صغيرة زيت زيتون + سلطة + رغيف سنأو 2 توست العشاء اليومي: زبادي + 2 ثمرةفاكهة
بس بلاش النسكافيه عشان بيعمل سليوليت أشربى كوبايه اللبن كده احسن أفيدلك وأحسنلك
الرجيم ده بينزل من 1.5ل2كيلو فى الاسبوع للأوزان المتوسطة أما الأوزان الكبيرة فبينزل أكتر
رجيم المرضعات
وده رجيم المرضعات عشان خاطر عيون أم مالك
وارجيم ده موضوع الأستأذة غادة الصايغ أنا نقلته زى ما هو
السلام عليكم ورحمة الله وبركاته
رجيم المرضعات
الافطار
كوب لبن محلاه بملعقة عسل ابيض صغيره + 2 بيضة مسلوقة او اومليت ب ملعقة صغيره زيت زيتون او ذرة + ربع رغيف عيش بلدي + طبق سلاطة كبير
بين الفطار والغدا
يا اما كوب عصير فاكهه ( ثمرة واحده والباقي ماء او ماء ولبن ) محلاه بملعقة صغيره عسل ابيض
او ثمرة فاكهه ماعدا المانجو البلح والتين والعنب والقصب
الغداء
طبق سلاطة كبير + طبق خضار كبير ني × ني + نصف فرخة او 2 قطعة لحمة او سمكة كبيره مسلوق او مشوي + ربع رغيف
بين الغدا والعشاء
يا اما كوب عصير فاكهه ( ثمرة واحده والباقي ماء او ماء ولبن ) محلاه بملعقة صغيره عسل ابيض
او ثمرة فاكهه ماعدا المانجو البلح والتين والعنب والقصب
العشاء مثل الفطار
التعليمات :-
1-دا لو مشيتي عليه تمام تخسي في الشهر من 6 الي 8 كيلو
2- المشي ابتدي ب 10 دقائق وكل يوم زودي
علي ال10 دقائق 10 دقائق تاني
وهكذا لحد ماتوصلي لساعة في اليوم
( في حالة الولاده القيصيري في اول 6 شهور مشي فقط )
من دون اي ريا ضة اخري
3-لو محتاجة سكر زياده في شاي او اي مشروبات
يبقي سكر الفاكهه او دايت سويت من الصيداليه
سكر الفاكهة الملعقة منه او الكيس فيه 16 سعر
فخليكي حذره متخديش اكتر من 3 او 4 اكياس او ملاعق بالكتير
4-المايه طبعا شئ مفروغ منه مش اقل 2 لتر في اليوم
قبل كل وجبه ب10 دقائق اساسي 2 كوب مايه
5-لو تحبي تبدلي العشاء
ب4 ثمرات فاكهه من المسموحة + كوب لبناو كوب زبادي ( خالي الدسم )
6-مسليات حلويات لاهتفيدك ولا هتفيد البيبي في الرضاعة
بالعكس هتسمنك وهتجبله مغص وانتفاخ
7-النشويات بردوا الزياده منها بتأدي لنفس النتيجة
8- المشروب السحري مفيد جدا لادرار اللبن وهايل جدا لتسريع الحرق
مكون من نسب متساويه من
( الشاي الاخضر – الجنزبيل – الكمون – الشمر – نعناع – روز ماري – ينسون )
بطحنو مع بعض وتحطهم في برطمان وتاخدي ملعقة صغيره
من الخليط وتصبي عليهم المايه المغليه وتغطيهم
وقبل ما تشربي نحط عليه نصف ليمونه
3 مرات في اليوم قبل الافطار بربع ساعة
قبل الغدا بربع ساعة قبل النوم مباشر
9-مهم اوي بقي تجيبي فيتامين ( هيما كابس او هيمسي )
لصحتك وللرضاعه هايل خالص انا شخصيا كنت بستخدمه
كل يوم او يومين تدخلى تكتبى عملتى ايه وده لازم
هنشرب مشروب لبان الدكر كل يوم قبل ماتنامى وتكونى واكلة قبليها بشوية مش بعد ماتأكلى على طول وهنعمله
معلقة صغيرة من مطحون لبان الدكر + كوباية ماء من الحنفية ونغطيها ونسيبها تتنقع من الصبح لغاية بالليل
والمشروب ده للتخسيس والترهلات عشان جسمنا مايحصلهوش ترهل بعد ما نخس
طبعا القرفة والجنزبيل من أهم حوارق الدهون أشربى حتى كوباية واحة قبل الغدا بنصف ساعة و ضيفيله ليمون و كمون وهاقوله النسب مظبوطة بعدين
الميزان هيبقى كل يوم جمعة
والتعليمات للأشتراك هانزلها فى المشاركة اللى جاية
فتوكة الأمورة فتوكة الأمورة 238807_4.gif سوبر فتكات Fatakat 238807 فى حب الله – أرض الله