ازيكم يااحلى بنات وصحبة ربنا يديم علينا المحبة يارب
مبروك علينا الجزء الخامس يارب يكون وشه علينا حلو
احنا في نهاية المرحلة الاولى وان شاء الله نبتدي المرحلة التانية من يوم السبت
عايزة الاراده والهمه اعلى يابنات لان كل مالوقت يعدي واحنا في الدايت كل مالجسم بيحاول ياقلم نفسه على الرجيم وبيعند في فقد الدهون 
نقوم احنا نلتزم اكتر بالدايت ونقلل اللخبطة ونزود الرياضة 
ومعلش اكيد كلنا هايجيلنا وقت ونثبت في الوزن ودي مرحلة طبيعيه معظمنا بنمر بيها وبعد كده الوزن بيرجع ينزل تاني ومقاومة الجسم بتفشل في نقص الوزن 
احنا بقالنا 4 اسابيع مع بعض المفروض ان حجم المعده بدا يصغر وبدانا نتعود على الكميات الصغيرة 
بعد الالتزام والرياضة ييجي التفاعل ثم التفاعل ثم التفاعل
وزي ماقولت 100 مره احنا جروب والتفاعل بينا مهم ولو كل واحده في ربع ساعة بس في اليوم ممكن ترد على بعض من تقارير زميلاتها كنوع من التشجيع والمحبة وترسيخ للعلاقات مابينا 
اتفاقنا كان واضح من الاول انا مش عايزة واحده كل يوم تخش تكتب تقريرها وتجري وساعات بنات كمان مابيشوفوش دراجاتهم ولا ردي على تقريرهم يبقى ايه لازمة الجروب مش فاهمه ؟
معنى كلمه جروب اننا مجموعة مع بعض بنشجع بعض وبنساعد بعضينا وكمان لازم تشجعوني لاني اكتر منكم محتاجه تشجيع 
وده شكل التقرير الجديد ياريت الالتزام بيه
=======================
2 كوب ماء قبل الفطار =====( تم – لم يتم )
الفطار =======
السناك ======
كوب ماء قبل الغدا =====( تم – لم يتم )
الغدا ======
السناك =====
كوب ماء قبل العشا =====( تم – لم يتم )
العشا=======
الرياضة =====
مجموع المياه لليوم =====
احب افكركم بقى بالقواعد اللي متفقين عليها من الجزء الاول
=================================
– لابد من جدية الاشتراك والتواجد في اوقات التجمع المتفق عليها
– التفاعل مع باقي الجروب وذلك للتشجيع
– تقبل العقاب عند عدم الالتزام
– الالتزام بنفس نوع الدايت وذلك للتشجيع
– الالتزام بكتابة التقرير اليومي
– الصدق والصراحة في كتابة التقرير وخصوصا العك هههههههههه
– التغيب لاكتر من يومين بدون اعذار او التخلف عن كتابة التقرير اليومي هاتطلع من الجروب
اللي هاتخس هتاخد الفري بتاعها يوم الجمعة وكمان هاتحط صورة التوقيع بتاعتها زي دي
اما بقى اللي ياعيني مش هاتلتزم ومش هاتخس فطبعا مفيش يوم الفري الاسبوعي وكمان اجباري هاتحط الصورة دي
واكتر واحده هاتجيب مجموع في جدول الالتزام اليومي هاتحط الصورة دي
اعاننا الله وففقنا وقوى عزيمتنا ان شاء الله
احبكم في الله
marmr_012 marmr_012 360010_21.gif فتكات ست الكل Fatakat 360010 cairo – cairo