السلام عليكم يا بنات
الصراحة أنا وقتى بيبقى ضيق جدا لأنى ف كلية طب
والدراسة لسة شغالة لحد دلوقتى …وهنكمل دراسة برضك ف رمضان عادى …
وبنزل أجهز وحاجات ربنا يعينى عليها
فالنتيجة الطبيبعة إنى بكسل أكتب كتيير
بس أنا إستفدت منكم كتييير الحمد لله
وعشان كدة قلت نحاول نرد جزء من الجميل
وزى ما أنا استفدت أفيد البنات التانية
المقدمة دى عشان أعتذر لو إنى مقدرتش أرد ع كل الأسئلة أو أبعت رسايل خاص بخصوص موضوعى اللى فات
والله وقتى ضيق قوووى .. دعواتكوا معايا
بثوا يا حلوين بقى … الحلل السراميك
اللى مجننة البنات
بعد لف وتدوير رسيت ع البدرينى عشان أضمن حاجة من الإشاعات بتاعة نيوفلام
أضمن مكان للبدرينى كان فتح الله وكارفور ،،كارفور أسعاره ف السما
وفتح الله مش فيه كل المقاسات والحاجات اللى معروضة من الإهمال مخدوشة من برا
لحد ما رحت إمبارح محل @home
واالعنوان بتاعة 22 شارع سليمان عزمى متفرع من عبد الحميد بدوى أمام ملاعب إسكواش نادى الشمس_النزهة_مصر الجديدة
نقول الأول ما شاء الله ولا حول ولا قوة إلا بالله
روحت إمبارح ولاقيتهم عاملين عرض ع البدرينى
(حلة مقاس 24+سوتيز مقاس 28 بالغطا+كسرولة مقاس16بالغطا+لبانة مقاس 16+طاسة مقاس 20+طاسة مقاس 26) كل دة 1175
أنا بقى عشان أكمل الطقم جبت حلة 20 ب 218
وحلة 28 ب353
وجريل مقاس 24 ب 132 (سعر الجريل المفروض 157 والمفروض معاه قطعة توزيع هدية بس قطعة التوزيع مش موجودة ف الراجل خصملى تمنها من الجريل)
يعنى كدة الحمد لله ما شاء الله طقم سراميك كامل من بدرينى بحوالى 1880
الحمد لله أنا شايفة دة سعر مناسب ومعقول
وقلت لازم أجى أقولكوا عشان لو واحدة عاوزة تجيب البدرينى
وع فكرة المحل دة بيدى ضمان ع الحلل لأنه واخد توكيل بدرينى وحاجته مضمونة إن شاء الله
الأسعار دى بعد خصم 7% تقريبا بمناسبة الإفتتاح
ربنا يفرح كل البنات ياااارب وكل البنات تجيب حاجتها وتتهنى بيها ياااارب
إدعولى يا جماعة ربنا يهدينى ويرضى عنى ويصلحلى حالى ويتملى على خير أنا وخطيبى
لو فى أى إستفسار إن شاء الله احاول أرد عليه بس مش ضامنة كدة لأنى شرحتلكوا ظروفى فوق
بالتوفيق يا عرايس
الفتوكة العسولة لولو الفتوكة العسولة لولو فتكات نشيطة Fatakat 830430 القاهرة – مصر
سبحان الله و بحمده