بسم الله الرحمن الرحيم
ازيكم يا قمرات يا رب تكونوا بخير جميعا
زي ما وعدت هنزل حاجه اتعلمتها
في كتير مننا نفسه شفايفه تبقى ممتلئه طيب تعالوا شوفوا معايا بخطوات بسيطه نقدر ندي نفسنا المظهر ده تعالوا نشوف هنعمل ايه و هنحتاج ايه
الادوات
1- فرشاة اسنان
2- كونسيلر
3- روج بلون مقارب للون شفايفك
4- ليب جلوس برضه قريب من لون الروج او ممكن تجيبيه شفاف
5- قلم رسم للشفايف يكون لونه طبيعي قريب للون الشفايف
الخطوات :
1- بلي فرشاة الاسنان و دلكي بيها شفايفك و بعدين نشفيهم
( الخطوه دي بتساعد على انها ترفع الشفايف شويه و بتجري الدم فيهم)
2- وزعي الكونسيلر على شفايفك و متكتريش قوي
4- هاتي قلم تحديد الشفاه و ابداي حددي فوق خط شفايفك بالظبط مش عليها و ابداي من جو لبره
و هنا ركزوا على المناطق اللي هتبداي تحديد منها و خلوا بالكم من الدايره رقم اتنين خط في نص الشفاه اللي تحت ارسميه
و حدديه كله حتى من الجوانب و الحواف
4- هاتي الروج و ابداي املي الفراغات بعدين وزعيه بصباعك
5- هاتي الليب جلوس و حطي بس على المناطق اللي عليها دواير و بعدين طبقي شفايفك على بعضيها عشان تتوزع
بس كده شوفتوا سهله ازاي
يا قمرات الصور اللي فاتت انا رسمتها على برنامج عشان الخطوات تبان اوضح
بس عايزين تشوفوا النتيجه الحقيقيه جبت بنت الجيران و عملتلها و تعالوا نشوف في الاخر هتبقى ازاي منظر ممتلىء و طبيعي
الصوره الجايه اللي فوق من غير حاجه و اللي تحت بعد ما عملنا الخطوات
و دول الموضوعين الاولنيين لو حبيتوا تبصوا عليهم
ايه رايكم نخلي شفايفنا احلى من الفنانين و طبيعي و بالصور كمان
يا ريت دعوه حلوه منكم
dr.dandoosha dr.dandoosha 108695_9.gif فتكات ست الكل Fatakat 108695 alexandria – uae/ egypt