اولا انا كان نفسى انزل صور علشان الكل يقدر يستفيد لكنى انشاء الله هصور كل حاجة وانزلهالكو مبدايين انا والدتى من شارع الغور ية و مازال بيت امى الحبيبه هناك الحمد لله وطبعا بروح زيارات ودلوقتى بشوف حاجات على المدونة جميله جدا و يا رب يوسع رزق الناس لكن اسعارها عاليه شويه وي غير ان الخامة المستخدمة ممكن لما تيجى ما تعجبكيش اصلا لكن طالما طلبتيها مضطرة تخديها وحبابيى اللى هيتجوزوا على العيد وفضلها حاجات اقولك تشتريها منين
اولا :- الانجيرهــــــــــــــــــــــــــــــــــــــــــ ــــــــات
االغورية تشترى منها الا نجريهات وفى محلات هناك بتبيع من خلال كتالوجات المصانع و كانك بتشرها مستوردة وطبعااااااااااااااا تفاصلى فى الفلوس واذا كنتى تخينه هاتى الفيزون من الاهرام سنتر باشكال والوان
ثانيا :- الترنجــــــــــــــــــــــــــــــــــــــــــــ ــــــــات
الترنجات سواء صيفى او شتوى وديه معروضة طول السنه هتلاقى لى باب الغورية لكنهم غاليين شويه كملى لجوه شويه وشوفى ايه اللى يعجبك وبعدين هتلاقى شارع اسمه الكحكيين ادخلى فيه هتلاقى الاسعار ارخص شويه ومتفرع منها ممر صغير فيه الاسعار اقل برضوه و لو عايزة اسعار ترنجات للشتوى قليله زى الملتون فى حدود من 30 الى 40 جنيه فى اكتر من مكان لكن افضلهم الاهرام سنتر وله فرعين فى الغوريه و مكان تانى على باب حارة الروم اسمه اطلع فوق وهو محل موجود فى سنتر بالدور الاول
ثالثا:- المفروشـــــــــــــــــــــــــــــــــــــــــــ ـــــــــات
المفروشات الملايات والكبرتات واللحاف الفيبر و البطاطين السراتوجا وغيره من الغوريه برضوه لكن الارخص فى شارع موازى بالتربيعة اسعاره تقدرى تفصلى فيها كويس جدا
رابعا:-قماش التنجيــــــــــــــــــــــــــــــــــــــــــــ ــد
قماش الستايير وقماش التنجيد وعمل الستايير الضرابيه باربعه جنيه للمتر فقط لاغير وببتركيب الفرنشه او العقادة هتلاقيها فى شارع الحمزاوى بالداخل وحاولى ما تشريش من على شارع الازه لانهم غاليين جدا واذا قالك المت 30 تقوليله 15 لحد ميعلى السعر واحدة واحدة وبالسبه لارخصهم سعرا وتقريبا بدون فصال محل الشيخ داخل قبوة قريب من بوسطة الحمزاوى هتلاقى عنده البفته و الدمهور وقماش تنجيد وفى مكانين حلويين اوى برضوه محليين لكنهم بعيد شويه عن الحمزاوى بجوار
بوسطة الغوريه خامسا:- قماش اللبــــــــــــــــــــــــــــــــــــــــــــــ س
القماش لعمل اللبس بشارع قريب من الحمزاوى و هو التربيعه وبداخله شارع اسمه حلقوم الجمل
اطقم الحلل و الصينى هتلاقيه فى شارع اسمه حمام التلات وده غالى حاولى تشترى من مكان اسمه درب سعادة خصوصا الملاعق الفردانى لكن لو هتشترى المونيوم خامات نضيفه جدا منها هتلاقيها فى محل اسمه بريموس فى اول الموسكى من ميدان العتبه او محالات التوحيد والنور وخصوصا الفردانى زى الطاسات والصوانى
سادسا :-الاجهزة الكهربائيـــــــــــــــــــــــــــــــــــــة
الاجهزة الكربائية طبعا شارع عبد العزيز او شارع شريف ارخص من شارع عبد العزيز
سابعا:- الاخشـــــــــــــــــــــــــــــــــــــــــــــ ـــــــــــاب
الاخشاب هتلاقيها فى المناصرة ولو عايزة نجارين يعمل عملة فى اتنين واحد للاسعار الرخيص وبجوده معقوله والتانى اسعار عاليه لكن بجودة دمياط وانشاء الله هجيب ارقامهم وانزله واى شئ من منتجاتهم وهما اللى بينزلو ا شغل المناصرة لكن طبعا العموله افضل وبالنسبه للمطبخ فى واحد فى المناصرة بيعمل مطابخ خشب شبه ديزاين الخشمنيوم واسمه شحته متخصص مطابخ بس سواء تفصيل او عمول وطبعا بيستخدم كونتر اندونيسى
ثامنا :-المكياجـــــــــــــــــــــــــــــــــــــــــــ ـــــات :
– موجودة فى اول الموسكى من ناحية حمام التلات موجود به سوق للجمله سواء مكياج او برفانات
تاسعا:-المراتــــــــــــــــــــــــــــــــــــــــــــ ــــــب
افضل شئ هى مرتبة انجلندر وهى من ينسن لكن مصنع تابع ليهم وهى ارخص بنفس المواصفات المرتبه 150 سم بحوالى 970 جنيه بعد الفصال وموجودة عند اولاد ابو عبدالله اكبر تشكيله وهما فى شارع شريف المتفرع من عبد العزيز
عاشرا :- النجــــــــــــــــــــــــــــــــــــــــــــــ ـــــــــــف
موجود فى شارع بيدق الموازى لشارع عبد العزيز لكن الارخص والكريستال الرارائع والتجميع هلى حسب مانتى عايزة والالوان اللى تحبى هتلاقيه فى درب البربره
الحادى عشر :- الـــــــــــــــــــــــــــــــزرع و الشجر الاصطناعى
فى ناحية درب البربره باشكال راااااااااااائعه ويوجد البراويز و تجميع البوكيهات
الثانى عشر :- التابلوهات و التحف والابواب الاكرديون ومقابض الابواب
الرويعى
الثالث عشر:- البلاستيـــــــــــــــــــــــــــــــــــــك
على شارع الازهر بعد بوسطة الغوريه
الرابع عشر:- السجــــــــــــــــــــــــــــــــــــــاجيد
الفحاميين او معرض كل منتجات السجاد ساراتوجا و كاربت سيتى النساجون الشرقيون بجوار مستشفى الخليفة بمنطقة الحلمية الجديدة بمحطة البيبانى وعنده الهاند ميد وكل شئ
يا رب اكون سعدتكم على قد ما اقدر
فينا30 فينا30 فتكات متميزة Fatakat 742400 القاهرة – مصر