ازيكم فتوكاتى حبايبى
انا اليوم فكرت انزلكم موضوع مخلل اللفت لان كذا فتوكه كانوا بيسالو عن اساله بخصوصه
اللى بتسال عن طريقه تخليله واللى بتسال عن ظبط البنجر عشان لونه يبقى وردى والسؤؤؤال اللى بيتكرر
الطبقه البيضه اللى شبه الريم ليه بتتكون وازاى اخلل مخلل من غير مايعمل طبقه بيضا …
الحل بسيط وهو حاجتين مهمين وجربوا اتعلمتهم من ست الحبايب امى رحمها الله وغفر لها
انك تغلى الماى كويس وتسبيها تبرد ……. فصين توم متقطعين …….. معلقه سكر
طيب هنيجى للطريقه اولا هتقطعى اللفت وتغسليه كوووووووووووووووويس جدا
وترشى عليه ملح وتسبيه
هتحطيه بالبرطمان وعليه معلقه السكر وفصين التوم وقطعه بنجر قد البندقه على كل كيلو لفت
هتضيفى عليه الماى اللى عليها معلقه خل + ربع كوب ملح
ودى النتيجه بعد 4 ايام افتحى وكلى احلى لفت
انا بحب اضيف ليه جزر ترنشات رقيقه بحبو جدا
بصوا هنا البرطمان الكبير اتنسف ازااااااااااااااااااااى من جمالو وشيفين المايه نضيفه ازاااى
وممكن اللى بتحب المخلل حاامى تضيف فلفل حاار
واحيانا لو عندى ورق كرنب (( العروق بحطها )) قبل السلق طبعا
والله باامانه جربو تغلو الماى وتسيبوها تبرد وتضيفو فصين التوم ومعلقه سكر وشوفو النتيجه
من تجارب العضوات
84
مواضيع هذا القسم برعاية
um ziyad um ziyad 517386_5.gif فتكات غالية قوي Fatakat 517386 الاسكندرية – مصر