انا النهاردة قولت اما اقوم اطبخ بدرى كدة وبمزاج عملت فضلة خيركم جمبر بانية وشوربة جمبرى وارز بالبهارات وسلطة خضرة
اليكم صورة تصبيرية ثم ناتيكم بادق التفاصيل
اولا انا هقولكم على الارز ودى وصفة انا اخداها من حماتى قريب ماكنتش اعرفها
بجيب الارزوبغسلة واسخن الزيت واحط الشعرية ودى يعنى اختيارى ممكن من غيرها واحط عليها نص معلقة شاى من كل البهارات دى او حسب رغبتك<فلفل ملح كمون قرفة كسبرة ناشفة>وبعدين احط الارز والماية تكون مغلية علشان مايعجنش
ودى صورتة
تانى حاجة الجمبرى البانية
انا تبلتة قبلها بساعتين فى ملح وفلفل وكمون وتوم مفروم وحطيتة فى كيس فى التلاجة وبعدين طلعتة حطيتة فى دقيق وعلى المقلاية دققتين على كل جنب وتطلعية بسرع قبل مايجلد فية ناس بتحطة فى بيض وبقسمات بعد الدقيق بس انا مش بحب احطة فى البيض ودى صورتة النهائية
تالت حاجةالشوربة
حلة وفيها نقطة زيت وفص مستكة وحبهان ونشوح فيهم الجمبرى ويكون متقطع عليه بصلة جناحات وفلفل اخضر وعودين بقدونس بعدين نحط عليهم الماية ونسيبهم يغلوا لحد مالجمبى يستوى والشوربة تتقل بس كدة
رابع حاجة طبق السلطةمش محتاج فقاقة يعنى
طماطم وخيار قطعيهم شرائح ورصيهم بطريقة حلوة فى الطبق زى كدة
وكنت عاملة عصير جوافة وكركديةودة شكل السفرة بعد ما اتنسفت
الى فايض دة هنتسحربية بقى احسن مايترمى لان جوزى مش بياكل اكل بايت
بس كدة اة من الحق نسيت اعزم عليكوا اتفضلوا معاناهههههههه
انا الى شجعنى انزلهالكوا النهاردة ابو يوسف قالى تسلم ايدك يا ام يوسف الاكل شكلوا يفتح النفس
مواضيع هذا القسم برعاية
شهندا ام يوسف شهندا ام يوسف 859690_4.gif فتكات متميزة Fatakat 859690 دمياط – مصر