السلام عليكم يا فتوكات..
سمعت كذا مرة هنا في المدونة واحدة بتقول متقولوش هامبرجر لأن (ham) يعني لحم خنزير.. وانك لما تشتري برجر تتأكدي مكتوب بيف ولا هام…
حبيت اصحح المعلومة اولاً لحم الخنزير يعني Pork وال ham دة نوع من الاكل المدخن بيتعمل من الجزء الي فوق الرجل وفعلا بيتعمل من الخنزير ودة شكله..
اصل اسم الهامبرجر بقى وليه اسمه هام وليه بقى بيف..
انا دورت على النت في المواقع الاجنبية وطلع ان البرجر دة اصلا الي عملوه ناس من البدو الرحل غزوا آسيا الوسطى وأوروبا الشرقية في العصور الوسطى التتار (Tartars) من لحم البقر العادي مع توابل معينة ولما راحوا ألمانيا اتعرفت الاكلة دي هناك ف هامبرج Hamburg
ومن هنا جة الاسم وبعدين اتشهرت الاكلة في نيو يورك عن طريق المهاجرين من المانيا للولايات المتحدة ف بقت من اشهر انواع الساندويتشات هناك في المطاعم ..
وبرضه كان الهوت دوج او السوسيس اسمه frankfurter نسبة لفرانكفورت ف المانيا برضه..
بعد الحرب العالمية التانية انتشر الاكلتين دول في الولايات المتحدة و بقى المتداول الاسماء الجديدة هوت دوج بدل فرانكفورتر و بيف برجر بدل الهامبرجر.
يارب تكونوا استفدتوا وقيموا علشان تصححوا المعلومة الغلط المنتشرة بين الناس.
مواضيع هذا القسم برعاية
mirooo girl mirooo girl 170942_1.gif فتكات رائعة Fatakat 170942 —- – —-