سالفل والجمال على فتكتكاتى العسلات
طبعا الكلام الجاى ياريت تاخدوا بالكم منه جداااااااااااااااااااااااا
من فتره كنت فى حنه بنت خالتى وجت الحنانه ورسمت لكل الموجودين وكنا مبسوطين ومهيصين وانا رسمت على كتفى ورجلى ودراعى
يومين اتنين وهووووووووووووووب حبوب والتهابات واحمرار وهرش ويوم اسود مطلعتلوش شمس
لا والالعن … حرارتى ارتفعت وبقيت زى اللى عندها حمى
طبعا ماما كانت عامله كده مزبهله مش فاهمه فى ايه
واكتشفت ان عندى حساسيه رهيبه من الحنه
المهم وده اكتر من المهم
واحده قريبتي يوم دخلتها الحنانه دخلت معاها الاوضه وخرجت ماماتها وكل البنات واشتغلت فى الرسم وقالت ياجماعه ده شغلى وفعلا الكل سابها وخرج
والمفتريه رسمت للبنت فى كل حته فى جسمها
شجره على ضهرها و ورده من قدام ومن ورا
طبعا — اول تنبيه يابنات اوعوووووووووووووا تعملوا المنظر ده عيب جداااااااااااا والله العظيم وحراااااااااااااااااااام انك تعلقى ملط قدام واحده ترسم على جسمك .. يعني احنا بنقول فى عمايل السويت مضطرين مع انه مش عذر بس اهوه ربنا يغفرلنا لان فعلا فى بنات كتير مبتعرفش تعمل لنفسها
انما تتعرى قدام واحده وترسم جسمك كده لااااااااااااااا
وعلى فكره الرجاله مبتحبش المنظر ده … امال فين منظر جسمك انتى ؟؟؟
نيجي بقا لتانى نقطه
يوم الدخله بعد ماروحو العريس اتصل على مامتها وباباها وبيقول الحقونى
طلعوا يجروا بالعربيات على بيت العريس والمفجأة المفجعه
البنت ضهرها عليه زى الحرق وجلدها لاااااااااااااااااازق فى الفستان
اقسم بالله هذا حصل والبنت دخلتها كانت من شهر ونص ولحد انهارده اهلها بيصرفوا الاف والاف على علاجها عند دكاتره الجلديه
واجاركم الله لان البنت طبعا راسمه كمان فى المنطقه الحساسه ودى اكبر طامه وعاوزة اقولكم ان البنت كانت شاري فستنها ب6 الاف جنيه وعشان يقلعوها الفستان يوم الدخله بقا بالصويت لانه لزق عليها فاضطروا بمقص ويجيبوه بالطوووووووووول
طبعا انتوا مش متصورين المصيبه دى كلها من الحنه
يبقا ياعروستنا ياقمر تنتبهى للاتى
1 / قبل الدخله بفتره متقلش عن شهرين تجربي ترسمي على حته فى رجلك او ايدك ومتكنش الرسمه كبيره ولنفرض وردة وشوفى النتيجه … لو جلدك استحملها يبقا براحتك وارسمي يوم الدخله مع التنبيه ان الرسم ميكنش كتير ولا ملفت اوى كده والتنبيه البعد كل البعد كل البعد عن المنطقه الحساسه مفيش داعى ابدا منها ياعروسه
عشان كمان تدى لنفسك فرصه قدام وانتى متجوزة لاى تجديد
2 / الحنانات اللى بتعمل دلوقت الحنه الحريمي اللى بيكون الكل فيها ستات وبيلبسوا فيها لبس عريان
وفيه عرايس بيلبسوا يومها تبع البروجرام ده بدله رقص وغزيه وحاجات والله مافيش اى داعى منها يابنات لانك بتتنظررررررررررررررررى والكل بيبقا عينه عليكي وبتتحسدي وبتبقى محل لفت نظر
بلاش بلاش بلاش خلوا الجوازات تتم بهدوء
وصدقونى فى لبس شيك وجميل وفيه برده شقاوة يبقا بلاش العريان اوى ده وخصوصا ان فى بنات كتير كمان بتهزر وتصور وبيحصل مناظر مش ظريفه ابدا
واخر حاجه عاوزها اقولها …مفيش جوازة بتتم كده … ياما حاجه تتكسر ياما يحصل حاجه للعريس او للعروسه
كل ده طبيعي فياريت ندارى على شمعتنا وناخد بالنا من الحاجات الصغيره دى
ويارب يتمم لكل البنات على الف خير
—————————-
للايضاح // يابنات كلامى ده على الحنه السودا اللى بتترسم مش على الجنه الصفرا المعتادين عليها دى اللى بتتحط فى بطن الايد والرجل وعالشعر
لا لالالا دى حاجه ودى حاجه تانيه خالص
لان الحنه اللى بيرسموا بيها دى عليها صبغه ومواد منيله عشان كده بتدمر البشره
غير التانيه طبعا بتبقا صحيه ومفيده
CaR(H)mIn CaR(H)mIn فتكات رائعة Fatakat 332033 القاهره – مصر