السلام عليكم ورحمة الله وبركاته
انا يابنات عايزة احكيلكم مع تجربتي مع اتيلية وكوافير عايدة النجار
انا بنتي فرحها كان يوم 8/12/2015
الاتنين اللي فات يابنات
من شهر راحت هي واختها تدور علي فستان زفاف ابيض
لسوء حظنا شفنا فستان في اتيلية عايدة النجار اللي في مجمع عبد المنعم جابر – كامب شيزار علي البحر
دخلنا علشان نشوف الفستان قابلتنا مدام عايدة
وقالتها انت جسمك حلو وحلبسك علي ذوقي
طب نتفرج علي الفساتين ونختار
قالتلنا لا انا حطلعلكم الفساتين اللي مقاسها واختاروا
فعلا طلعت لينا فستانين احلي من بعض
خامة وشياكة وبنوتي قاست الفستانين روعه عليها
المهم سالنها الاسعار قالت ايجار اول مرة ب2500
بس لو حتاخدوا الكوافير من عندي حعملكم خصم كبير
وقعدت تورينا علي التاب بتاعها صور عرايس ومكياج
وتقنعنا بالكوافير بتاعها
واحنا هناك شوفت بنوتة عروسة زي القمر عمالة تعيط
علشان ماجرة الفستانى بس هي مش عايزة تديها الطرحة
والبنت بتحلف انها قالتلها حديكي الطرحة قالتلها طالما الكوافير مش من عندي مش حديكي الطرحة
بس انا ماحطيتش في دماغي وقولت اكيد اتفاق مسبق وكدة
المهم اختارنا باكيدج كوافير وفستان من عندها ب3000 جنية دفعنا الف منهم مسبقا
وروحنا يوم البروفة قيسنا الفستان وظبطناه وكله تمام
الفستان روعة وحلو جداااا
نيجي بقي ليوم الفرح
ميعادنا الساعة واحدة الظهر
روحنا الساعة 2 الظهر علشان اتاخرنا شوية في المواصلات
لقينا مافيش حد في الكوافير
فين ياسيتي الماكيرات مش موجودين
دخلنا لقينا بتاع الشعر
صبغ لبنتي شعرها
لون الصبغة وحشة جداااا
فوق ماتتخيلوا
اورانج
المهم علي الساعة 3 الظهر النور قطع
وفضل قاطع لحد الساعة 6
الهانم ماعندهاش مولد
ماعندهاش كشافات علشان نتمكيج عليها
والماكيرات مافيش حد جه اصلا لحد الساعة 4 ونص
جاتلنا بنت مساعدة كدة اسمها بسمة
عملت للعروسة ضوافرها
لما جت الساعة 5 والمفرض خارجين من الكوافير العروسة واخواتها ال 3 الساعة 7
بنتي الكبيرة اخدت اختها الصغيرة ودتها لبست واتمكيجت في مكان تاني
وبدانا نصرخ ياجماعة كدة مش حينفع
الست دجي فتحت صوتها علينا
ومالكمش حاجة عندي غير تخلصوا في ميعادكم
ومعاملة زي الزفت والهباب
طيب هاتي الفستان العروسة تلبسة
لا لما تتمكيج الاول
المهم الست بنتها اسمها نوران هي اللي بتمكيج
ولا تعرف اي حاجة عن المكياج اصلا
جت الساعة 5 وبدات تعمل لبنتي المكياج علي ضوء كشاف الموبايل
والمساعدة بتعمل مكياج بنتي التانية علي ضوء موبايل تاني
طبعا مكياج اخر عك وقرف جداااااا
ومستحملين معاملة زي الزفت
وطلعت البنت وحشة جدااااا
ومكياج في نص ساعة اي عك والسلام
ولبسنا البنت الفستان الابيض
علي الضلمة
وعملت شعرها الساعة 6 لما النور جه
بسرعة وبلهوجة غريبة جدااااا
وطلعتنا من الكوافير
منظرنا ومكيجنا زي الللي عامل في كوافير تحت بير السلم
لو عملوا البنات علي ايديهم كانوا طلعوا احلي مليون مرة
مش دي المشكلة
المشكلة بعد ماروحنا القاعة حسينا ان الفستان غريب
وقفت العروسة وطلعت صورة ابروفة
الفستان اصلا مش هو اللي قيسناه في البروفة
واحد تاني
مقطع من جوة ومصفر
وحالته مبهدلة جدااا
وطالع في الصور زبالة جدااا
طبعا حركة قطع النور دي خدمتها جداااا
لاننا لبسنامع بعض واول مالنور جه خطفتنا علشان البنت تعمل شعرها
الهانم عندها 2 من كل فستان بتعرض واحد وتاجر واحد
تروحي تشوفي الجديد تنبهري وتدفعي لفلوس عادي جداااا
يوم الفرح بتبدله باللي بتاجرة عبارة عن فساتين معفنة عملاها علي ايديها
يعني بتقيسك المستورد الجديد
لكن يوم الفرح بتلبسك اللي هي مخيطاه في الاتيلية بتاعها
وبتاجرة
فمبهدل والخامة بتاعته زبالة جداااا ومصفر جحدااا
انا عملتلها محضر في القسم امبارح
وروحت واجهتها انكرت طبعا
انا بححكيلكم تجربتنا علشان ماحدش يقع في النصب ده تاني
بجد حسبي الله ونعم الوكيل فيها وفي بنتها
ده غير اني جبت كشف طبي
ان المكياج بتاعها عملنا حساسية في عنينا
ومشاكل للعروسة في البشرة
البنت روحنالها يوم الصباحية وشها بايظ ومحبب وبتصرخ منه
خلي بالكم يابنات
وانا مش حسيبها
والله
ولازم اخد منها تعويض علي الاضرار اللي سببتهالنا دي
امل عبد اللطيف امل عبد اللطيف images/avatars/orangeflower.gif فتكات ست الكل Fatakat 109095 بحرى – اسكندرية
اولا انا مش هعمل زيكم اكونتات مزيفه و أفضل اكتب كلام كله كذب هنا و هنا انا نوران بنت عايدة النجار انا بس حابه أقول للي بتكتب الكلام ده فين إثباتك علي كل اللي بتقوليه ده و لو فعلا كلامك صح احنا ازاي فاتحين و شغالين الحمد لله لحد دلوقتي و عرائسي الحمد لله هما اللي بيردوا عليكم مش احنا و عامه دي نفسنه و الحمد لله الشجره المثمره يقذفها اللي زيكم بالحجارة انا بس حابه أقول اننا الحمد لله بنتقي ربنا في شغلنا و هو الوحيد اللي شاهد احنا بنتعامل ازاي و شكرًا لكل حد بيقول في حقنا كلمه كويسه عشان دي الحقيقة و حسبنا الله و نعمه الوكيل في اي حد بيتدعي كذب علينا
و بعدين أحب أقول ان اكبر إثبات في الموضوع ده ان اليوم ده النور مقطعش فيه بطلو كدب بقي و افترا علي الناس و خليكم في حالكم أنتم أساسا ناس فاضيه و اوعي تفكري ان اللي انتي بتعمليه ده هيأثر علينا احنا الحمد لله اكبر من كده بكتير و الحمد لله زبائني و عرائسي اذكيه اوي و يقدروا يفهموا ان كل اللي بتقوليه ده كذب و افترا
كــدابة وبنت كدابة
الحمد لله سمعتنا سبقانا والعرايس كلهم عارفين كده ومتأكدين
الدور والباقى على اللماليم