ازيكم يا أحلى اصحاب
توفا
رحمه
لميس
ام ابراهيم
ام محمد
نونا
زوجة معتقل
ماهي
بجد وحشتووووووووووووووني
اوعي تقولي ان احنا اتفرقنا يابت يا توفا… مش كل يوم الواحد ممكن يلاقي ناس طيبه ومحترمه وبجد بجد صحبة خير زيكم…. ده انا والله بحس انكم اصحابي من زمااااااااان.
اساس الموضوع بقى…
احنا ان شاء الله هنرجع احسن من الاول وهنشجع بعض ونتحدى نفسنا..
وهنبدأ من النهارده …
وعايزين ان شاء الله زي النهارده الشهر الجاي نلاقي نتايج هايله.
بكره نزلوا اوزانكم وقياساتكم.
ومش هنوزن تاني غيير يوم الجمعه اللي بعد الجايه.
كل واحده تمشي على النظام اللي يريحها بس في حاجات نتفق عليها وكلنا نعملها.
نلعب كل يوم نص ساعه رياضه.. او على الاقل يوم ويوم بس يارييييت يبقى كل يوم.
مافيش عشا خااااااااااااااالص وان وجد يبقى علبة زبادي او ثمرتين فاكهه.
هنشرب على الريق منقوع الليمون بالكمون.
وقبل الاكل مشروب رفع معدل الحرق( زنجبيل وكمون وشاي اخضر وليمون ونعناع) وبعدين كوبايتين مايه كبار.
وبعد الاكل زنجبيل بالليمون.
وهنمنع الحلويات، والفاكهه اللي بتخن بلاش منها، والسكر ملعقتين بس ،وبلاش اي نوع مخلل.
وهنكتر من شرب المايه ولو بتنسي زيي حطي جنبك ازازة مايه كل شويه اشربي منها.
والاهم من ده كله عاوزين نعين بعض ان احنا نقرب من ربنا اكتر ونواظب على قراءة القرأن كل يوم … عاوزين نجدد حياتنا ونخلليها احلى .
ياريت يارحمه كل يوم تكتبي لنا دعاء او اذكار.
بجد بجد انا حاسه اني مقصره اوي ونفسي اغير حياتي ….
الحمد لله انا بدأت بس نفسي تساعدوني .
انا حبيت اكتب الكلام ده في موضوع جديد عشان تبقى بدايه جديده لينا كلنا … وكل واحده فينا شايفه في حياتها حاجه مش راضيه عنها تحاول تغيرها ونجدد حياتنا مع بعض.
عاوزه اصحى الاقيكم منورين الموضوع.
ولو واحده فيكم عندها اي اقتراح جديد هيزود الحماس ويشجعنا اكتر تقوله عشان مش عاوزين موجة اليأس والاحباط دي تيجي تاني.
ام وزه ام وزه 119294_1.gif فتكات متميزة Fatakat 119294 الشيخ زايد – مصر