السلام عليكم ورحمه الله وبركاته
دي اول مشاركه ليا في المدونة وبصراحه انا دخلته وحبيت اكتب تجربتي ومشكلتي لاني بصراحه مخنوقه ومتضايقه جدا وبسأل كل واحده تقرأ موضوعي ان تدعولي بان يرزقني الله بالذرية الصالحه
انا متجوزه من اربع شهور ونص تقريبا حملت اول ما اتجوزت على طول وكنت ميته من الفرحه روحت للدكتور وتابعنا وطمنا الدكتور على الجنين وسمعنا نبضه كمان وبعدها قالنا تعالو بعد 3 اسابيع المتابعه الجايه
روحنا بعد 3 اسابيع واتفاجئنا بان مفيش نبض للجنين طبعا انا اتصدمت وقعدت اعيط ومش مصدقه الدكتور
روحنا لدكتور و2 و3 وبرضو اكدوا نفس الكلام وقالو لازم تتعمل عمليه تنضيف عملت العمليه
وبعد العمليه ما جاتنيش دوره وحملت على طول تاني وقررت اني مش هتابع مع اي دكتور الا بعد الشهر التالت
لحد ما يوم الجمعه اتفاجئت بنزول دم واخدت برنتوجست حقنه مثبته وما عملتش حاجه
روحنا المستشفي والدكتور كشف عليا كشف نسا وانا قايمه لقيت كيس الحمل وقع في الارض
روحت لدكتور كبير تاني يوم وقالي انتي كنتي حامل حمل اسمه حمل كيميائي يعني مفيش جنين والكيس فاضي
انا بصراحه تعبانه نفسيا جدا مش عارفه ايه سبب اللي بيحصل ده
ياريت اللي عندها اي معلومه تريحني تقولي عليها
وادعولي ربنا يصبرني ويعوضني خير
نـــور الحيـــاة نـــور الحيـــاة 685845_1.gif فتكات هايلة Fatakat 685845 القاهرة – مصر