السلام عليكم ورحمة الله وبركاته
أنا بكتبلكوا موضوعي ده عشان كل واحده تستفيد منه
لاني قريت كتير عن الحمل خارج الرحم وانه لازم ينتهي بعمليه
هحكيلكم حكايتي
وهصدعكم بيها علي فكره….
أنا متجوزه اديلي سنتين ونص……..
اتاخر الحمل وابتدي القلق ورحت للدكتور لقيت عندي تكيسات وهرمون اللبن عالي
المهم ابتديت في العلاج والحمد لله ما احتجتش عمليات لاني جبااااااااااااانه جدا
الحمد لله حملت وعرفت اني حامل يوم 17-6
وفرحت والامور ماشيه تمام رحت اول مره اعمل سونار لقيت الدكتور بيقولي ان حجم الحمل صغير
بس ده عادي عشان التكيسات
وبعد كده ربنا ما ارادش انه يكمل ونزل……..
سمعاكي يا اللي بتقولي دي خرجت بره النص
وحصل حمل تاني وعرفت اني حامل وكنت حامل في 34 يوم
المهم ع اليوم ال 43 رحت اعمل سونار قلت اطمن علي حجم الحمل من اولها
لقيت الدكتور بيقولي حمل ايه ده الرحم فاضي
قلتله لا انا حملي بيبقي صغير قالي طيب ايتني اسبوع تاني
المهم علي اليوم 53 من الحمل رحت كررلي نفس الكلام وعملت تحليل الHCG
لقيت نسبه الهرمون نفس عمر حملي
قلتله طيب هنعمل ايه اداني حقنة وريد وحقنة عضل عشان يموتوا ضنايا
وبقيت بعمل التحليل يوم اه ويوم لا عشان اعرف النسبه
والحمل مات ولا لا وكررت الحقن تاني
والحمد لله الحمل نسبته قلت لان الجسم امتصه
وجتلي البريود ونزلت المشيمه
والحمد لله تجربه وعدت علي خير من غير عمليات
نصيحتي ليكوا
من فضل معليا اني عرفته بدري قوي وقدرت اني انزله …
لان في حالات كتير الواحده بتعمل السونار في اخر ال 2 او اول التالت
وطبعا الحمل بيكون كبر ولاقدر الله لو الحمل في انبوبه بتنفجر وبيحصل نزيف جامد
وقربوا من ربنا قوي وادعوله كتير
معلش بقي صدعتكوا بس بصراحه انا بستفيد من المنتدي ده قوي
فقلت لااااااااااااااااازمن وحتمن ولااااااااابد افيدكوا معايا
اودي حبيب عمري اودي حبيب عمري فتكات نشيطة Fatakat 25820 cairo – egypt