بصو بقى يا بنات انا لما حبيبت اعمل مطبخى طبعا كنت بدور على اشكال جديده اللى هى تبقى واو يعنى
وبعدين بالصدفه لاقيت بيج عالفيس لمعرض مطابخ فى الزقازيق وعامل مطابخ بصراحه عجبتنى
وكمان السعر لما لاقيته بيقول المتر ب900 جنيه
فى حين ان ورش للمطابخ الالوميتال بتتكلم ب1200 وانتو طالعين بقى وكمان مش حاجات حلوه يعنى عاديه
المهم أخدت قرار وروحت اشوف الظروف ايه دخلت فعلا المعرض حلو والمطابخ اللى فيه جميله
وقد كان بقى الاتى
————————-
اولا : الكلمه عندهم بفلوس يعنى السلام عليكم دى اعتبروها بفلوس
يعنى المقابض انواع وكل نوع بفلوس … ملهوش دعوه بالرخام … الاكسسوارات الداخليه بتاعت المطبخ بفلوس
طبعا دا كل عادى بس اللى مش عادى اسعار الحاجه دى
وحتى المقابض اللى بتفتح الدرف لفوق دى تتحسب علينا ….
ثانيا : المقاس بقى متر مربع ومعرفش حسبو ليا ازاى انه طلع المطبخ بتاعى تسعه متر الا شويه وكمان مش متقفل كله ومساحته صغيره وحسب تكاليف المطبخ طلع المطبخ 8500 جنيه من غير الرخااااااام وكمان مش طالبه اكسسوارات غير
الرشاقه بس
المهم بابا قاللى الكلام دا مش عاجبنى وبالرغم من كدا دفع العربون
———————————————————————————-
ملحوظه انا بابا كان متفقلى على مطبخ عند ورشه مطابخ الوميتال كبيره وكان المتر محسوب ب1000 جنيه بس الحساب فى المقاس مكانش بنفس الطريقه وبيطلع اشكال تحفه وانا كانت خطوبتى اتفسخت وكنسلنا المطبخ بقى
———————-
ولما جيت اتخطبت تانى حبيبت بقى اعمل فى مكان متخصص وعاجبنى الاشكال لانى شايفاها قدامى
——————————–
فبابا قاللى الناس دول نصابين وانا مش عاجبنى كلامهم دا خالص وبالمكان اللى هما فيه دا لازم تبقى اسعارهم غاليه يعنى هو قال ب900 جنيه ولو نحسبها بطريقه حسابه دا المتر واقف ب1800 جنيه
——————————
( انا مطبخى هيتقفل 160 سنتى وحيطه 150 وحيطه كمان 1 وشويه مش متذكره كام بالظبط يعنى كله على بعضه اللى هيتقفل حوالى اربعه متر وشويه )
———————————–
بابا رجع ليه تانى يوم وقال له احنا عاوزين نلغى عقد المطبخ ومش هنعمل عندكو عارفين انه بدأ هو اللى يفاصل مع بابا ويقوله هنزلك 500 جنيه من سعر المطبخ وبابا مرضيش بالرغم من ان بابا وهو بيتفق معاه كان بيحاول ينزل فى الاسعار ودا كان ماسك اوى ويقوله مينفعش واستحاله وجو غريب كدا
———————————-
يعنى دا لو على حق وصح مكانش عمره ينزل 500 جنيه بحالهم من سعر المطبخ
———————————
من الاخر بياكلو عقل الناس بالكلام المذوق والمكان بس اوفر فى اسعارهم
———————————————————————————————————————————————-
ومن الناحيه التانيه بقى
———————————-
سمعت عن معرض فى منيا القمح وليهم على مااعتقد فرع فى السويس مش هقول الاسم هنا لاحسن يعتبرونى بعمل دعايه والموضوع يتقفل
————————————–
روحت هناك شوفو بقى المقاس بالمتر فوق وتحت يعنى المتر بيتحسب فوق وتحت
ثانيا اى رسم ازاز عليهم
المقابض عليهم
انما الاكسسوارات الداخليه على حسب ماتختارى وعليكى طبعا
السعر بقى كام انا اخترت نوع كان ب( 1150 )
ومطبخى باكسسواراته بكله اتكلف 6500 بالنقل
والنقل 150 جنيه بس وبتيجى العربيه بتاعت المصنع وعليها شعار المصنع على مكان التركيب وضمان 10 سنين على اى حاجه فيه
وهنزلكو صوره ليه وعندهم اشكال كتير اى حد حابب يبعتلى عالخاص وانا اديله لينك شغلهم
https://files2.fatakat.com/2015/12/13870447894945.jpg
https://files2.fatakat.com/2015/12/13870448519902.jpg
https://files2.fatakat.com/2015/12/13870449409682.jpg
https://files2.fatakat.com/2015/12/13870450359577.jpg
https://files2.fatakat.com/2015/12/13870451434205.jpg
ودى صور مطبخى اللى من المعرض منيا القمح وعلى فكره انا اتجوزت فىى القاهره يعنى المعرض بيروح اى مكان
فيروز24 فيروز24 912221_5.gif فتكات هايلة Fatakat 912221 الجيزه – مصر