طبعا كل عروسه بتسعى انها تبقى ملكه يوم فرحها ومفيش اجمل منها فى الفرح ومن هذا الاساس عملت سيرش مكثف عالنت ومن كتر مالناس شكرت فى كوافير نانا اند دوشى قررت انى اروحه ورسيت عليه
وروحت لاقيت اسعاره عاليه يعنى الحمام المغربى اللى الناس كلها بتعمله ب 150 او 200 كحد اقصاااااااااااااا هما بيعملوه ب ج300 والسويت ب 200 ج لا والادهى بقى ان الباكدج اللى انا اخترته كان بالف ربعميه وخمسين جنيه ومفهوش وش وحواجب واقلهم ازاااااااااااااااااى كوافير العروسه متعملش وش وحواجب فيه يقولوا اعمليه بره ولو عاوزاه هنا يبقى تختارى الباكدج الاعلى فى السعر او فى باكدج اقل بس مفهوش بعض الحاجات اللى فى الباكدج اللى اخترتيه
فقلت خلاص مش مشكله هعمل الحواجب والوش بره وامرى لله المهم انى اخلينى فى الكوافير ده عشان يبقى شكلى حلو فى الفرح زى مالناس بتشكر فيه
روحت فى يوم الفرح بقا ودخلت قوضه الميكب مع مدام نانا و دوشى كانت معاها عروسه تانيه والصدمه بقى بيقولوا للعرايس ايه اختارى الالوان اللى انتى عاوزاها للايشادو عشان نحطهالك فقلتلها لا حضرتك خبيرة ميكب وانا بامانه مش بفهم فى الميكب اوى فاختارى اللى يمشى على وشى وانا موافقه على اى حاجه تحطيها قالتلى لا انا مش بحط اى حاجه غير مالعروسه هى تختارها قلتلها طب انا واثقه فى ذوق حضرتك حطى اللى يليق عليا راحت قالتلى لا لازم يبقى انتى اللى مختاراه لحسن يطلع مش عاجبك فى الاخر ده نظام الكوافير
طبعا انا اتفرست لانى لو بفهم فى الميكب مكنت اعمله لنفسى بدل مدفع اد كده عند كوافير فقلتلها اللون الاساسى اللى تحطهولى راحت قالتلى طب اختارى الالوان اللى تدخل معاه
قلتلها خلاااااااااااااص بقى اختارى انتى تدرجات الالوان بقى انا قلتلك اللون الاساسى قالتلى لا لازم انتى اللى تحدديه ولا انتى عاوزاه لوحده … قلتلها لا بس مش عارفه ايه تدرجات الالوان اللى بتمشى معاه راحت مطلعالى كتالوج فيه عرايس وقالتلى اختارى الالوان طيب من هنا عشان تساعدك فقلتلها ممكن تليق على وش الناس دى لكن متلقش على وشى حضرتك اللى تحددى لان كمان طبعا الكتالوج فيه بنات مزز و من غير ميحطو ميكب اصلا شكلهم حلو
وبعد نص ساعه تضييييييع وقت فى الكلام ده اخترت الالوان وخلاص وهى قالت الرسمه احنا اللى بنعملها الالوان بس هى اللى بتختاريها قلت الحمد لله اخيرا حاجه من غير ميسالونى فيها اووووووووف
وطلعت من االكوافير وانا شكلى يقرررررررررررررررررررررررررررررررف حتى الرسمه اللى اختاروها اى كلام واى واحد مبتدىء يعرف يعملها ونفس الكلام طبعا اتقال للعروسه التانيه اللى معايا فى القوضه يعنى ولا نانا ولا دوشى فارقين عن بعض هما الاتنين نفس السيستيم والشغل وطلع شكلها يقرف زيى بلظبط
وكان معانا عروسه تالته كانها مش حطه حاجه فوشها اصلا والميكب اقل من العادى بمراااااااااااااااااااااااحل ووالله الناس اصحاب ماما قالولها الميكب بتاع بنتك كان وحش اوى وبنت عمتى قالتلى انا كنت اعده فى الفرح سمعت الناس عماله تقول العروسه شكلها وحششش
مع انى كنت قمر فى الخطوبه عند كوافير عادل المصرى بشهاده الناس كلهااااااااااااااااااااااااااااااااااا وكله كان بيشكر فى الميكب والطرحه ويقولولى كنتى قمر بجد غيرنى عالاخر و وخلانى ملكه والله لو كان ينفع اروحله تانى فى الفرح كنت روحتله لكن بابا مرضاش لانه فى فيصل وفيصل زحمه طبعا والفرح فى مدينه نصر فقال مش هدب مشوار فيصل ده تانى ويوم الخميس كمان بيبقى زحمه عشان كده غيرته واخترت الكوافير ده وياريتنى مخترته مش عارفه بجد الناس اللى بتشكر فيه عالنت دوووول بيشكروا ازاى ده انا وكل العرايس اللى طلعو معايا فى اليوم ده كان شكلنا شوارع يعنى مش انا لوحدى
انا كتبتلكم تجربتى لانى مش عاوزه حد يجيله احباط زى ماجالى فى يوم الفرح ويبقى مكسوف من شكله زيى وكل واحد يغكر فى كلامى كويس قبل ميروح الكوافير ده ويارب يبقى كلكم قمرات ليله عمركم وميحصلكوش زيى
ادعووووووووووووووووووولى ان ربنا يسخرلى جوزى ويجعله زوج صالح ليا
0mniaaaa 0mniaaaa 441843_2.gif فتكات هايلة Fatakat 441843 قاهرة – مصر