السلام عليكم ورحمه الله وبركاته
هدخل فى الموضوع على طول يابنات
لان الموضوع مفييييييييد جدااااااا وياريت تركزوا وتقروه كويس
وزنك مبقاش ينزل مهما تحاولى معااااااااه حرمان ورياضه واعشاب
نومك متقلب وعندك ارق ومهما تنامى بتقومى جسمك تعبان
مودك وحش وعندك حاله نفسيه سيئه اغلب الوقت
جسمك بينزل من مكان ومكان لا
طول اليوم حاسه باجهاد وكسل ومش قادره تعملى حاجه خااالص
اللى فوق ده كله انا كنت حاسه بيه
اقسم بالله يابنات انا كنت قربت اعيط على حالى
من كتر الخنقه اللى كنت فيها والتعب اللى كنت فيه
مع انى صغيره 22 سنه ولسه بدرى ع الموال اللى فوق ده كله
ما علينا
بفضل الله ربنا هدانى انى شفت موضوع هنا عن الديتوكس
الكلام ده كان السنه اللى فاتت بس انا محطتوش فى دماغى
لانى كنت مليانه وقلت لما ابقى اخس الاول ابقى اجربه
ونسيت الموضووووووووع
والسنه دى بفضل الله
وماشاء الله ولا قوه الا بالله
خسيت اكتر من 27 كيلو
ونفسى فى 5 كيلو كمان بحاول فيهم
بقالى 4 شهوووووووووورلما اتخنقت
لحد ما شفت الموضوع تاااااااااانى قدامى لوحده
من اسبوعين وخدت القرار وقلت هعمله
خلونى صريحه معاكم
هو النظام صعععب وعاوز اراده
بس اللى عاوز العسل يتحمل قرص النحل مش كده
توكلت على الله وعملت كل اللى فى الموضوع بالظبط
ده لينك الموضوع
https://fatakat.univanet.com/#3148852
ما عدا للامانه مخدتش اخر جرعه من الملح
لكن غير كده مكنتش بلخبط فى لقمه خاااااااااااالص
والمفاااااااااااااااااااااجأأأأأأأأأأأأأأأأأأأأأأأ أأأأأه
لقيت فعلا حصى نازل فى التواليت اعزكم الله اخضر واسمر
وكل شويه دااااااخله على الحمام هتلاقى بلااااااااااااوى نازله منك
انا حسيت انى بطنى جسمى كله اتغسل حسيت انى نضفت
والمفااااااااااااجأه التانيه
انى خسييييييييييييت حوالى سنتى ونص من كل مقاس يعنى حوالى من 2 الى 3 كيلو
خدى بالك هو مش نظام عشان يخسسك
هو نظام بيساعدك لما تخلصيه وعملتى الريجيم بتاعك انك تخسى عادى
مش تعبك يروح ع الفاضى
والحمد لله ماشاء الله
بقيت بنام نوم عمييييييق لدرجه انى مبقتش اسمع المنبه وبقى يفصل شحن من كتر ما بيرن
بقى عندى اللهم بارك باور وحيويه كنت الاول عايشه ميته
الالام اللى كنت بحس بيها والخنقه والمود الزفت اتحسن كتييييييير بححححححححححح
والاهم من ده كله انى خسيييييييت الخمد لله
كلمه اخيره
النظام صعب جداااا وخاصه اخر يوم متعب لانك بتشربى ملح انجليزى وكوبايه زيت زيتون
وحاجات كده كتيره
بس النتيجه تستااااااااهل التعب
هتتعبى وهتلاقى
انا اكتشفت انى بفضل الله وحده عندى اراده بالنسبه للعك اللى شربته
وكلمه فى سرك
انا مش احسن منك ولا ازيد عنك بايد ولا رجل
عشان تقولى لالالالالالالا مش هعمله وده انتحار والكلام ده
استرجلى وانشفى كده ههههههههه
يابنات كل الحكايه انى كنت فى طريق ضلمه
ولقيت شعاع نور ومفيش غيره اخر امل كان لازم
امشيه حتى لو كان كله شوك
مش عارفه ليه ساعات بقلب على امينه رزق
انا قلت اللى عندى
واقسم بالله قلت كل شىء بحذافيره
وصدقونى مش هتندموا بس التزمواااااااااا وخلوا فى عزييييييييييمه
ودى كمان تجربه لواحده عملت الديتوكس
https://fatakat.univanet.com/#3785865
انا عملت الموضوع ده عشان عارفه انه مهم لبنات وستات كتير زيى
ونيتى الافاده خالصه لوجه الله والله
وطبعا انا تحت امركم فى اى استفساااااااااار
طلب اخير منكمامانه عليكم تدعولى انى اكون من مخطوبات هذا العام بانسان كما اتمناهاستودعكم اللهاختكم رانيا
فى بنات طلبوا النظام
وانا هكتبه هنا عشان الكل يستفاد
من السبت للخميس
كل يوم هتاكلى من 4 ل 6 تفاحات خضر
وتاخدى قرص فيتامين سى فوار
جبته من الصيدليه العلبه 12 قرص ب 6 جنيه
هتدوبى قرص فى نص كوب ماء وتشربيه
فى اى وقت مش مهم
وطبعا مش اقل من 2 لتر مايه يوميااااااااااا
وقبل النوم
هتجيبى كوبايه مايه كبيرره
تغليها وتسيبيها تبرد خالص
وتحطى عليها 3 معالق كبار ليمون
و3 معالق كبار زيت زيتون بكر معصور على البارد ركزوووووووووووووا
تقلبيهم وتشربيهم وتنامى فورا على جنبك اليمين
لحد الصبح لو اتقلبتى وانتى رايحه فى النوم مش مشكله
اتفقنا يبقى كده
السبت والحد والاتنين والثلاثاء والاربعاء والخميس
هناكل التفاح والفوار والميه ومشروب قبل النوم
تمااااااااااااام
اخر يوم بقى
يوم العاصفه
هتصحى الساعه 9 الصبح
تاخدى حقنه شرجيه
متخافيش لا بتوجع ولا الهوا
هى عباره عن شويه ميه بتدخل جوه بطنك
جبتها من الصيدليه ب 3 جنيه
بعد الحقنه بساعه يعنى الساعه 10 تاكلى تفاحه
الساعه واحده الضهر
كوبايه عصير فريش بيور انا شربت برتقال
الساعه 3 العصر عصير برتقال تانى
وتشربى 2 لتر مايه لحد الساعه 6 مساء
بعدها ستووووووووووب للمايه
الساعه 6 تاخدى 4/3 كوب محلول ملحى
تكونى محضراه من الصبح ومحطوط فى التلاجه
ازااااااااى
هتجيبى 3 كوب مايه عليهم 4 معالق كبار ملح انجليزى جبته من العطار ب 2 جنيه كتيييير
تدوبيهم كويس وتغطيهم وع التلاجه
ركزوا معايا
كده خدنا الساعه 6 4/3 كوب محلول ملحى
الساعه 8 بعدها بساعتين يعنى خدى 4/3 كوب كمان
والساعه 10 بالليل
تجيبى معلقه كبيره قهوه ساده على كوب ماء وتغليهم 5 دقايق وتطفى وتغطيهم لحد الصبح
وبعدين
تاخدى كوب زيت زيتون عليه نص كوب عصير ليمون بيور تدوبيهم وتشربيهم وتنامى على جنبك اليمين لحد الصبح وراسك على مخده عاليه
تقومى السبت الصبح الساعه 6
تاخدى الحقنه الشرجيه اللى فضت وتمليها
بمشروب القهوه اللى حضرناه من امبارح
بس متخديش الراقد
وتاخديها عادى زى الحقنه الشرجيه
وتنامى على جمبك اليميم 5 دقايق فى وضع الجنين
وعلى جمبك الشمال 5 دقايق فى وضع الجنين
هتروحى الحمام هتنزلى بلاااااااااوى
تاخدى 4/3 كوب محلول ملحى
وبعد ساعتين 4/3 كوب محلول كمان
وبعد ساعتين كوب برتقال
وبعد ساعه ثمره فاكهه
وبعد ساعه كلى عاااااااااااااادى خلاص
افرااااااااااااج
dondana star dondana star سوبر فتكات Fatakat 582261 المحله الكبرى – مصر