صباح الفل ياحلى فتوكات
انا حبيت النهارده اكتبلكو النظام بتاع الرفيعين المعصعصين اللى زى حالاتى اللى عايزين يبقو مزز وحلوين
انا مشيت ع النظام دا لمدة اسبوعين وزدت 5 كيلووووو بجد مكنتش مصدقه
انا 160 سم وكنت 50 كيلو دلوقت بقيت 55 وعايزه ازيد كمان خمسه سته كيلو كدا
يالا كل واحده تجيب ورقه وقلم وتكتب ورايا
قبل الفطار بساعه
كوب ماء دافئ + 7 بلحات
الفطار
طبق فول بالسمنه + بيضتين مقليتين بالسمنه + حلاوه طحينيه
بين الفطار والغدا
3 حبايات تين مجفف او كوب حلبه محوجه او كاكاو باللين او قطعتين حلويات
الغدا
طبق رز او مكرونه + طبق خضار مطبوخ + لحمه او سمك او فراخ + بطاطس مقليه بالسمنه
بين الغدا والعشا
معلقتين عسل اسود ومعلقتين سمسم + حلاوه طحينيه او مكسرات
العشا
طبق بليله + ساندويتش جبنه + زبادى + ساندوتش حلاوه طحينيه
بس هو دا النظام بتاعى اى نعم انا مكنتش بمشي عليه بجذافيره ف الاول لو مش هتقدرى تاكلى دا كلو ابدأى واحده واحده وانتى نفسك هتتفتح وهتاكلينا بعد كدا
اه نسيت اقولكو انى كمان كنت بشرب مكمل غذائي اسمه جروث فورميلا تلات مرات ف اليوم
وممكن تبدلو بين الحاجات اللى بين الوجبات دى باللى موجود عندك ف البيت
اى حاجه تلاقيها ف وشك كليها عايزين نبقي مفترسين
وحاجه كمان شرب الميه مهم جدا جدا لكل حاجه البشره والجسم يعنى من لترين لتلاته ف اليوم
وعلى فكره يابنات انا من النوع اللى مبياكلش كتير يعنى لو سبت نفسي ممكن اكل وجبه واحده ف اليوم ونفسي بتتسد فمحدش يقولى انا مش هقدر اكل دا كلو
انوى انتى بس وابدأى واحده واحده وهتقدرى ان شاء الله
delta goodrem delta goodrem فتكات نشيطة Fatakat 605726 القاهره – مصر