السلام عليكم ورحمة الله وبركاته حدخل بالموضوع واعرفكم بنفسي انا متزوجه من 5سنوات و4 شهور عندي طفلين واحد 4سنوات والتاني 2و9شهور المهم من 7شهور فاكه اللولب لان سبب التهابات واتعالجت منها وتابعت التبويض وكان تمام اول شهرين من اول مافكيت اللولب بس بعدين الدوره اتلخبطت وتجيني خفيفه روحت للدكتورة عشان اعمل متابعة تبويض وقالت البويضه حجمها 14 وقالت حاعطيك كولوميد المهم قلت ماابغى استعجل وحتى الدكتوره قالت استنى عليك كمان شهرين المهم رجعت لها تاني ونفس مشكلة ضعف التبويض اخدت اشياء طبيعيه وماشاء الله كتييير فادتني لكن ماحصل حمل وبعد كدا رجع الضعف معايا وحجم البويضه وصل 12 واخدت اشياء طبيعيه والشهر اللي فات وصلت البويضه 16 في اليوم ال13 الدكتوره قالت لي ما ابغى اضيع وقت معاك لازم تاني يوم الدوره تجيني وابدا علاج الكلوميد الان انا تاني يوم الدوره وبعد كم ساعه حروح للدكتوره بس خايفه لان هذي اول تجربه ليا بالكلوميد والدكتوره طلبت مني تحليل هرمون اللبن والغده الدرقيه قالت سويها بعين تعالي نبدا كولوميد بس التحاليل ماسويتها الدكتوره تقول بس زيادة اطمئنان انا انشاء الله مع علاج الكولوميد اعمل جميع التحاليل الازمه انا الحمد لله هذي المشكله بس اللي عندي الحمد لله الدورة منتظمه ومااعاني من شي انشاء الله انا عارفه اني طولت عليكم بس متاكده ان قلوبكم اكبر من كدا الله يطمن اللي تطمني وتقول تجربتها مع الكولميد وبعدها بكم شهر حملت هل ممكن احمل بنفس الشهر يارب ترزق الجميع بالذريه الصالحه وتحفظ اطفالي من كل سوء
توت توت توت توت فتكات هايلة Fatakat 17955 جده – جده
سبحان الله و بحمده