السلام عليكم..
فتوكاتي الحلوين يارب تكونوا بألف خير وكل سنة وانتوا طيبين مقدما بمناسبة العيد
النهاردة جايبة لكم طريقة الفتة المصرية على اصولها
المقادير:
* كيلو لحم
* بهارات ( ملح – فلفل اسود – شطة حسب الرغبة- قرنفل- حبهان)
*بصلة – 5 حبات طماطم – راس توم –
*خل
* عيش
*أرز
طريقة العمل:
اول حاجة هنسلق اللحمة ونحط البصل المفروم والبهارات بس نحط الملح في الآخر عشان تستوي
هنحط سمنة او زيت في حلة وبعدين نسقط عليهم الارز وهنحط شوربة اللحمة عليه بس لازم نصفيها
الصلصة بقى هنجيب توم مفروم ونحطه يتشوح مع الزيت
هنشيل شوية توم متحمر في طبق
وبعدين هنطش الخل ع التوم المحمر
وبعدين هناخد شوية من الخل والتوم ونحطهم في حلة وهنحط عليهم شوربة عشان هنسقي بيها العيش وهنحط كمان منهم ع الوش
هنفرم الطماطم وهنحطها ع التوم
وهنحط عليهم ملح وفلفل اسود وشوية شطة لو بتحبوها انا طبعا بموووت فيها ونغطي الطماطم لحد ما تبقى صلصة
هنحط شوربة اللحمة عليها
نيجي للعيش بقى
هنحطه في صينية ونسقيه من الخل بالشوربة اللي كنا عاملينها وبعدين هندهن وش العيش سمنه وندخله في الفرن
وده بعد ما طلع من الفرن
هنشوح اللحمة بالسمن
وده الشكل النهااااااائي
بالهنــــا والشفا يا قمرااااات
وكل سنة وانتوا طيبين يارب
ومتنسوش التقييم لاني بقالي ساعة بكتب في الموضوع لأنه اول موضوع طبخ ليا عايزة تشجيع بقى عشان اكمل لو عجبكوا طبعا[/color] مواضيع هذا القسم برعاية
بـاتسي بـاتسي 335300_4.gif فتكات رائعة Fatakat 335300 القاهرة – مصر