السلام عليكم ورحمة الله وبركاته
ازيكم يا فتوكاتى يا حلوين؟؟
طبعا كلنا زهقنا من الاكل العادى والطبيخ اللى كل يوم
النهاردة بقى جايبالكم اكلة فى السريع لذيذة وسهلة واولادك حيحبوها اوى
ساندويتشات البسطرمة
سلطة كول سلو
المقادير للساندويتشات
كيلو دقيق-1/2 كوباية زيت-رشة ملح-رشة سكر-
2 معلقة خميرة فورية((مايعادل كيس واحد))-علبة زبادى-ماء دافىء للعجبن
سمسم -حبة البركة
وللحشو بقى
بسطرمة- طماطم -فلفل رومى-زيتون
الطريقة
ندوب الخميرة الاول بمعلقة سكر ونص كوباية ماء دافىء ونغطيها ونسيبها تخمر
وعقبال ما تخمر
نحط الدقيق ونضيف عليه الزيت والزبادى والملح والسكر وبعدين نحط عليه الخميرة
ونبدأ نعجن ونضيف المياء الدافئة شوية شوية
لحد ما العجين يبقى متماسك((معلش نسيت اصور العجين قبل ما يخمر))
وغطيه بقى وسبيه يخمر حتلاقى ماشاء الله العجين حجمها بقى الضعف
وافردى بقى العجين وحطى الحشو اللى انتى عايزاه انا حطيت بسطرمة وطماطم وفلفل رومى وزيتون
ورشيت على الوش سمسم وحبة البركة
ودخلته الفرن وادى شكله وهو طالع من الفرن
وبجد ريحته وطعمه تحففففففة
بصوا هايش ازاى
وده طبعا مالحقتش اصوره وهو مقطوع اصل عندنا حيتان فى البيت ههههههههه
سلطة ال كول سلو الجباااارة بقى
المقادير
1/2 كرنباية صغيرة-2 جزر- 1 زبادى- 2 معلقة كبيرةمايونيز-1/4معلقة صغيرة ملح
3معالق صغيرة سكر-1/2 ليمونة
الطريقة
نقطع الكرنب شرائح رفيعة ونبشر الجزر
ونحط كل المكونات على بعض ونقلب كويس اوى وعلى طوووووووول فى اى علبة ونقفلها كويس ونحطها فى التلاجة لمدة 1/2 ساعة على الاقل
وبكده نكسر روتين الطبيخ ونجدد من اكلنا
وبألف هنا وشفا
مواضيع هذا القسم برعاية
..MoGarD eNsaNa.. ..MoGarD eNsaNa.. 352104_3.gif سوبر فتكات Fatakat 352104 عروسة البحور – ام الدنيا