بسم الله الرحمن الرحيم
الاول صلى على حبيبك المصطفى عدد خلق الله وزنة عرشة ومداد كلماته
نيجى لموضوع الكسكسى
1- لازم يكون عندك الكبة بتاعة الفرم اللى بسكينة بتاعة الفوود بروسيسور
2- حطى حلة فيها مية على النار ويكون عندك مصفى بتركب عليها —- حتى لو اكبر من الحلة المهم ما تنزلش فى الحل
3- جهزى حته قماشة نظيفة زى قماشة كيس مخدة قديمة وما تبقاش مجوز
4- حطى الدقيق فى الكبة اى مقدار انتى عيزاه بس ما تكتريش اوى عشان تتظبط معاكى
5- اقفلى الكبة بغطاها وافتحيها من المكان اللى فوق وهى بتشتغل على الدقيق
6- ضيفى حليب على الدقيق حبة بحبة والكبة شغالة هتلاحظى ان الدقيق اتحول لحبيبات
7- زيادة اللبن بتخلى الحبيبات حجمها يكبر لو زادت عن اللزوم ضيفى دقيق لغاية ما يعمل شكل الكسكسى المعروف
8- المية زمانها غليت قومى حطى الكسكسى على القماشة اللى انتى فرداها على المصفى اللى انتى حطاها على الحلة وطبقى اطراف القماشة على الكسكسى وغطى بغطاء الحلة
10- بعد شوية ربعاية ولا تلتايه شوفى الكسكسى هيكون ماسك فى بعضة شوية وما يكنش استوى على الاخر طلعيه واضربيه ضربتين فى نفس الكبة هتلاقيه فك من بعضه وشكلة بقى تحفه لو لا قدر الله عجن معاكى ما تخافيش زودى شوية دقيق ضغيرين هيظبطوه وبعدين رجعية فى القماشة وحطيه على البخار تانى بعد ما يستوى طلعيه وافركيه بايدك فى صينية كبيرة مع حبة سمن بلدى حلوين وبالهنا والشفا كليه حلو بالسكر او حادق باللحم والخضار
ملوحظة : الطريقة دى مجربة وباختراعى انا شخصيا يا ريت تقيمونى عشان اخد براءة الاختراع
ملحوظة كمان : اللى هتتعود على الطريقة دى كل مرة هتعملها هتبقى اسرع وهتتعلمى تظبطيها من اول مره عشان محدش يخيب امله فيها — والطريقة دى ميزتها انها ما بتبظش يعنى لما تفلت منك يا تزودى لبن يا تزودى دقيق لغاية ما تتظبط ان شاء الله
وامانه يا بنات اللى تجربها تقولى رايها ايه —– واللى مش هتقول حتى لو عجبتها خلاص مسمحاها — يله بالهنا والشفا مواضيع هذا القسم برعاية
shereenelian shereenelian 119640_1.gif فتكات حبوبة Fatakat 119640 اكتوبر – مصر
سبحان الله و بحمده