أنا زهقت
ايوا زهقت من القسم ده
ومن التفكير فى الحمل
وزهقت من الناس الحشرية اللى بيتدخلوا فى حياة كل الناس
وزهقت من جملة "ها مفيش حاجة جاية فى السكة؟!!"
وانتوا مالكوا اصلًا
عمومًا
انا البريود متأخرة
لكن مش هعمل تحليل
ولا هفتح أى قسم فى أى مدونة يتعلق بالحمل
انا هفكر فى حياتى
وهشوف مستقبلى
الحمل مش هو كل الحياة
ناس كتير بيخلفوا
لكن بردو ناس كتير بيخلفوهم معاقين
أو عندهم مشاكل
أو عاقين
وعسى أن تكرهوا شيئًا وهو خير لكم
دى آخر مرة هدخل القسم ده
وآخر مرة هعمل سيرش فى جوجل عن كل عرض بحس بيه
ومش هعمل اختبارات حمل تانى
ولا هفكر فى الحمل
ولا هضعف قدام كلمة"شدى حيلك بقى!!"
اشد حيلى يعنى أعمل ايه
ببســـــاطـــــة شديدة الخلفة دى رزق من عند ربنا احنا مالناش دخل فيه
اتمنى ان كلنا نبقى من حوامل شهر رمضان
بس من غير وجع أعصاب
أنا هسجل خروج وانا مش حافظة اصلًا الباسوورد عشان ما أدخلش تانى
استودعكم الله
بسمة صافية بسمة صافية فتكات متميزة Fatakat 639200 القاهرة – مصر