السلام عليكم يا بنات
انا ولدت الحمد لله بقالي اسبوع
بس وجع الرضاعه لا يحتمل خالص صدري مجروح قوي مش قادره بحس بسكاكين بتقطع فيه وقت الرضاعه
وعلي فكره ده مش اول بيبي ليا
يعني مجربه قبل كده نفس الوجع واتحملت لمدة شهر ومكنش راح برضو وفي الاخر رضعت صناعي وسبت الرضاعه الطبيعي بس المرادي نفسي قوي اني اكمل رضاعه ومش قادره اتحمل اعمل ايه بس
كمان الجرح من تحت برضو وارم بطريقه زياده وبيوجع قوي مش عارفه اقعد ولا امشي من الوجع وبرضو المرده اللي فاتت في ولادتي قعدت حوالي شهرين لحد ما الجرح خف مش ميه في الميه كمان لكن كنت بس بقدر اقعد وامشي كويس لكن العلاقه برضو كانت ممنوعه بسبب الجرح ومؤلمه
الوقتي يا بنات انا تعبت قوي وربنا وهنا في البلد دي مبيكتبوش اي حاجه بيسيبوا الحاجه تخف بطيعتها وانا مش قادره
انا معايا من مصر شوية مراهم واللي جربت حاجه فيهم سواء للصدر او للجرح من تحت تفيدني الله يخليكو
معايا جراميسين مرهم
وفيوسيدين
وكيناكومب
وبيورلان
وميبو
عشا ن خاطري اللي جربت او تعرف اي حاجه عنهم تقولي ولو حد فيكو بيتابع وحامل لو يسألي الدكتور بتاعه يبقا كتر الق خيره بجد ومش هنساكو بالدعاء والله وانا اصلا دعيت لكل الحوامل كلهم يقوما بالسلامه ويسهل ولادتهم ويجيبوا اطفال معافين سالمين ودعيت لكل محرومه من الامومه ربنا يتقبل يارب ويزرق الجميع باطفال معافين سالمين من كل شر
مستنياكو يا بنات
* يا اخواتي بحبها * * يا اخواتي بحبها * فتكات رائعة Fatakat 681772 بيتي جنتي – القاهره
سبحان الله و بحمده