السلام عليكم يافتوكاتى يارب يقومنا كلنا بألف سلامة
هدخل فى الموضوع أنا بفضل الله حامل فى اخر اسبوع فى السابع
ومتابعة مع دكتورة انا معاها بقالى خمس سنين دلوقتى ومريحانى جدا"
وولده معاها من اربع سنين ابنى ربنا يخلهولى يارب المهم وانا فى العيادة الشهر اللى
فات لقيت واحدة ولاده معاها وجية تكشف على الجرحبتاعها وبتقول ان فى غرزة فتحت
منه وبتجيب افرازات انا اترعبت ولكن قلت يمكن الست هى اللى اهملت الجرح
ودخلت اكشف فبقول للدكتورة لسه بتولدىفى المستشفى اللى انا كنت ولدت فيها ابنى
قلتلى لأ سبتها عشان بعتلهم حالة عندها نزيف مريضيوش يقبلوها قلت ميهمش يمكن الست دى كمان ظروفها كده
وسكت النهاردة بقى قابلت ممرضة من المستشفى الجديدة اللى هى بتولد فيها دلوقتى والممرضة دى معرفة جامدة
انا اعرفها يعنى فقلتلى انت متابعة مع مين قلتلها فلانة وهولد عندكوا ان شاء الله قالتلى لألألأ اوعى
لا المستشفى ولا الدكتورة قلتلها ليه دى كويسة بقالى معاها خمس سنين قالتلى كان فى 3 حالات امبارح تبعها
وجالهم نزيف ومفيش مستشفى رضيت تقبلهم وفى حالة دخلت فى غيبوبة منهم
انا بقة دلوقتى نفسيتى زى الزفت وانا معرفش غير الدكتورة دى وانا اصلا" اول ما اتجوزت عملت عملية حمل خارج
الرحم وشيلت انبوبة والحمد لله انى شفت العيال اصلا"
انا دلوقتى مش عارفة اعمل ايه؟ وخايفة ومرعوبة وساكتة من ساعتها مش بتكلم خالص وخايفة على النونو
من الزعل ده شوروا علي بالله عليكم اعمل ايه وانا من عين شمس الشرقية لو حد يعرف دكتورة كويسة
معلش انا اسفة طولت عليكم اوى
أم أنس السلفية5 أم أنس السلفية5 761879_1.gif فتكات هايلة Fatakat 761879 عين شمس – مصر
سبحان الله و بحمده