السلام عليكم يا فتوووكات
النهارده جيبالكم سفره يااارب تعجبكم
كان عيد ميلاد بنتي ريناد وفنفس الوقت كنت عازمه حمايا وحماتي ووالدتي واخواتي
نبدأ بعرض البوفيه ويااارب يعجبكم
اولا كنت عامله رز كبسه وكنت واخده طريقتها من فتوكه هنا
المقادير كلاتي
3 كوب رز بسمتي
3 فرخات ممكن تعمليها بلحم عادي
بصلتين مبشورين
توابل(ملح فلفل بهارات كزبره ناشفه زعفران لومي )
لوز مقشر ومتحمر
زبيب متحمر ودول للتزيين
بشوح البصل مع شويه زبده لحد ما لونها يتغير ويبقي بني اضيف كلللل البهااارات وبعدين الفراخ وبكون مقطعاها 4 اربع او 8 زي ما انتي عايزة
واسيبها لما تستوي ربع سوا لان الفراخ مش بتاخد وقت وبعدين احط الرز البسمتي المغسول واسيبه لحد ما يستوي مع الفراخ وبعدين اقلبه في طبق التقديم واحط الفراخ ع الوش ويزين باللوز والزبيب
ودي صورته يارب يكون عجبكم
وعملت كمان كانالوني بس للاسف من لخمتي نسيت اصوره
مقاديره 2 كوب دقيق 2 كوب حليب 4 بيضات كبار ملح وفلفل
بينضرب كله مع بعض فالخلاط وتكةني مسخنه الطاسه الصغيره وتحطي بكبشه الشوربه وتعدي تلفي الطاسه لحد ما تفرد في الطاسه واول ما تمسك تقلبيها ع الوش التاني وهكذا لحد ما تخلصي المقدار كلللله
وبعدين تحشيها لحمه معصجه وتحطي عليها صوص طماطم متسبك مع البصل والتوم وشويه جبنه موتزاريلا وتدخل ع الفرن
وبالهنا والشفا
وبعدين عملت كفته بس سويتها بره عند الحاتي
ودي صورتها
وعملت شويه سلطات
سلطه خضرا وسلطه كولسلو وسلطه طحينه وبنجر
وااادي الصووووور
وااادي الكلو سلووووو
اكيد عارفين طريقته
انا بقطع الكرنب شرايح طويله وببشر الجزر والصوص بيبقي عباره عن مايونيز وسكر وخل وشويه ميه
ويتحطوا كلهم ع بعض ويتسابو فالتلاجه لحد معاد الاكل
ووادي البنجر
بسلقه بميه وسكر بيطلع طعمه روووووووووووووعه
وودي صينيه مكرونه بالبشاميل
بس انا بعملها بالباشميل الجاهز بيبقي تحفففففففه اوي وبحط صلصه ع المكرونه مش بيسبها بيضا
وندخلللللللللل ع الحلو
دي بقي تورته عيد ميلاد بنتي
والمقادير والطريقه هكتبهم المشاركه الجايه
مقادير التووورته
8 بيض
2كوب الا ربع دقيق
كوب ونص سكر بودره
بيكنج باودر فانيليا
معلقه صغيره عصير ليمون
تلت كوب ماء
الطريييقه
بفصل الصفار عن البياض
واضرب كل واحده فطبق لوحده واضرب الصفار الاول كويس جدا وبعدين اضيف السكر واحده واحد وبضيف حوالي كوب سكر والفانيليا والميه
والسكر الباقي للبياض
وبعدين اضيف الفانيليا واضرب لمده لا تقل عن 10 دقايق
اروح للبيباض اضربه كويس اوووي اضيفله عصير اليمون والسكر الباقي
ابدا اضيف الدقيق واحده واحده واضرب بالسباتيولار او معلقه خشب لحد ما اوصل لقبل اخر شويه دقيق ابدا اضيف البياض واضرب كويس وفالاخر اضيف باقي الدقيق والبيكنج بودر
وابطن الصينيه بالزبده والدقيق
واضيف الخليط فيه واحطها فالفرن وبتقعد حوالي ساعه الا ربع
وممنوووووووووووع تفتحي الفرن عليها الا بعد نص ساعه او اكتر شويه عشان متهبطش
وبعد السوا بتطلعيها من الفرن وتسيبيها تبرد خااالص وتقسميها وتحشيها الحشو اللي انتي عايزاه
وتزوقيها بالكريم شانتيه او صوص الشوكولا زي ما تحبي ي ي ي
متنسووووش التقييييييييييييييييييم يا قمرااااااااااااااااات
ودي طريقه تووورته الجيلي
https://fatakat.univanet.com/#1386615
مواضيع هذا القسم برعاية
زوجي حبي الاول والاخير زوجي حبي الاول والاخير 110384_2.gif فتكات ست الكل Fatakat 110384 قلب زوجي وابني حبيبي – ام الدنيا