السلام عليكم ورحمة الله وبركاته ؛ ازيكم يا فتوكات يارب تكونوا بخير : طبقنا النهاردة جميييل ولذيذ وحتي الأطفال بيحبوه تعالوا نشوف بالصور من يحلوا الوصال البكلاويز وشوربته اللذيذة اول حاجة جبت البكلاويز سبته شوية في حبة مية وبعدين شطفته كويس اوي وسبته يتصفي اهو بعدين جبت حلة سخنت فيها معلقة زيت وحطيت فيها التوم المهروس مع حبة ملح وكمون ويكونو معتدلين خاصة الملح وقعدت اقلب لما اصفرت اهي بعدين جبت البكلاويز بعد ما اتصفي وحطيته فوق التوم اهو بعدين قعدت اقلب واقلب وغطيته دقيقة لحد ما بدأ يتفتح ولونه كله اتغير اهو بعدين اضفت الماء (حسب مقدار الشوربة اللي هتشربيها) اهو خلاص غطيه وسيبه لما المية تغلي ما بياخدش 5 دقايق وابقي قلبيه تقليبه كده ودوقي لو محتاج ملح حطي ملح وبألف هنا وشفا يارب ودي النهاية للبكلاويز ودي شوربته بجد الشوربة ما شاء الله جمييييله ولذيذه جداااااا بيتاكل معاه طحينه وسلطة وعيش محدش ينسي التقيييم كل سنة وانتم طيبين وبحبكم في الله مواضيع هذا القسم برعاية يحلوا الوصال يحلوا الوصال 686824_2.gif فتكات هايلة Fatakat 686824 مدينة العجائب – مصر
