بسم الله الرحمن الرحيم
السلام عليكم و رحمة الله و بركاته
مساء الخير على الفتوكات الحلوين النهاردة عملت فى الغداء اكلة بحبها انا و زوجى جداااااااااااااااا و كمان اكلة سهلة اوى و مش بتاخد وقت خالص مالص
الاكلة هى صنية مكرونة لسان العصفور باللحمة المفرومة مممممممممممم تحفة بجد و طعمها يجنن
المهم المقاديـــــــــــــــــــــــــــــــــــــــــــ ــــــــر
2 كيس لسان العصفور الكيس نصف كيلو
نص كيلو لحمة مفرومة
بصل
بهارات ( ثوم بودر و بصل بودر و جنزبيل و كركم و بهارات لحمة )
ملح و فلفل اسمر
3-4 ملاعق صلصة
الطريـــــــــــــــــــــــــــــــــــــــــــــ ــقة
نعصج اللحمة المفرومة بالبصل و نحط عليها ملح و فلفل اسمر و بهارات و نحط عليها ملاعق الصلصة و دة شكلها لما اتعصجت بالصلصة
و نسلق مكرونة لسان العصفور و نصفيها و نشطفها كويس و نخليها على جنب
ناخد ملعقتين كبار لحمة مفرومة معصجة بالصلصة و نحطها على المكرونة
و نقلب كويس جدا مع بعض اللحمة مع المكرونة
شايفين هنا المكرونة و اللحمة تجانسوا مع بعض كويس اووووى و ممكن نضيف رشة بسيطة ملح و فلفل علشان المكرونة
هنا انا دهنت صينية بالسمنة دهنتها كلها و حطيت نص المكرونة
و هنا حطيت باقى اللحمة المفرومة المعصجة
هنا حطيت باقى المكرونة على اللحمة المفرومة
هنا انا حطيت جبنة كيرى انا كل مرة بحط جبنة شيدر بس خلصت رحت حاطة جبنة كيرى
هنا دخلتها الفرن على الشواية فقط للتحمير
و هنا لما طلعت من الفرن مممممممممممممممممم تجنن و الجبنة ساحت و الله طعمها روووووعة
و دى صورة تانية للمكرونة بجد تحفة و سهلة جدااااااااااااااااااااااااااا جربوها
عملت جنبها لحمة محمرة بالثوم برضه كانت تحفة بس معلش معرفتش اصور اكتر من كدة لان زوجى جاء و كان جعان جدااااااااااااااااااااااا
و الحلو كان تمر هندى ساقع تلج انا اللى عملاه
و كمبوت او رانى خوخ ساقع برضه من صنع ايدايا و حياة عنية
دة كان غدانا النهاردة ها ايه رايكم و الله جربوا طريقة المكرونة دى بجد سهلة و لذيذة جداااااااااااااااااااااااااا
لو عجبتكم ادعوا لى ربنا يرزقنى بالذرية الصالحة و يعوضنى عن ابنى خير
و يخلى لى زوجى و يحفظه من كل سوء
مواضيع هذا القسم برعاية
ام يوسف الغالى ام يوسف الغالى 388371_16.gif برنسيسة فتكات Fatakat 388371 الاسكندرية عروس البحر الابيض المتوسط – مصر ام الدنيا و افتخر