كل سنه وانتو كلكو طيبين
رمضان كرررررررريم
لا اله الا الله عدد ماكان وعدد مايكون وعدد الحركات والسكون
قوليها ياقلبي بعد ماتقولها هتتحسبلك حسنات لغاية سنه جايه
محدش يزعل من كلمة وليه واحنا كلنا وليه ياوختشششي
عملت سمك مقلي ورز بالبصل بس بتكاتي الخاصه ان شاء الله يعجبكو
ندخل علسمك عشان عرفاكو بتموتو في الصور ماتوصتش فيها
انا عارفه ان كلكوم بتعملو سمك يجنن بس كل واحده وليها تكتها الخاصه بيها
التتبيلة دي بتعتي انا وبس انا اللي عملتها ويارب تعجبكو زي ماعجبتني وعجبت كل اللي بياكل السمك بتاعي
الاول السمك
تتبيله كالاتي
1 بصل
1 طماطم
2فص توم
شوية شبت
معلقتين خل ابيض
2فلفل حار او حلو
1 لمونه حلوه كده بقشرها
كمون فلفل اسود كسبره ناشفه ملح
هنجيب الخلاط ونقطع البصل والطماطم والفلفل والتوم ونعصر اللمون ونقطع قشرها
ونضرب لغاية ماينعم الخليط جدا
تذوقوها كده بجد طعم روعه
اهوه بس انا كنت تبلت وسبت نص التتبيلة عشان نرشهام علي وش السمك
وهنا في التبيلة ونسبهم ساعتين تلاته لازم عشان التتبيلة تدخل في السمك
اي نوع سمكن
ولو سمك كامل زي السمكاية اللي في الطبق دي بحشيها من جوه ببتدي طعم محصلش بجد
انا هنا حاطه دقيق مبهر للسمك في علبة بلاستك وشيلاه عندي
مبهر كركم وكمون وملح وفلفل اسمر وكسبره
واطلعه من الدقيق علي ذيت سخن ونار متوسطه عشان التتبيلة ماتتحرقش
والمشاركة الجاية نحضر الرز اللذيذ
لو شايفين الموضوع يستاهل ممكن التقييم لو سمحتم
انا بحضر فيه من الساعه 7 لساعه 12 بالليل وسيابة جوزي بره
دا كله عشان خاطر حبيب قلبي الفتوكات اموووووووووه
وبردو مخلصتش وجيت اكمل دلؤتي (تاني يوم خخخ)
مواضيع هذا القسم برعاية
سندي سندي 188638_2.gif فتكات غالية قوي Fatakat 188638 الفححيل – الكويت