السلام عليكم يااجمل واحلى الفتوكات بجد انا بكون مبسوطه جدا وانا بشاركم اكلى
النهارده انا جيبالكم فراخ محشيه بس مخليه من العظم اعمل ايه
جوزى زهق وعايز اكلة جديدة قولت اخترع وربنا يستر
يلا نتكلم شويه عن ضيفتنا العزيزه فرخه هانم انا طلبتها مخليه من الفرراجى
بس يسبها سليمه وقسمتها بالمقص بالطول وسبت الجناح بصوا زى الصورة
وبعدين تبلتها بماء بصل وملح وفلفل وسبتها شويه زى الصورة
وبعد كده جهزت الرز كالتالى شوحت بصله وقطعت الاونصه قطع صغيرة
والكبد ووضعت الاونصه على البصل ثم وطيت النار وغطيت الحله شويه
وبعدين وضعت الكبد وعليه فلفل وقرفه ثم وضعت الرز والملح وسقيت الرز
حتى يتشرب فقط وسبتها يبرد زى الصورة
وبعدين نجيب ورقة فويل ونضع عليها نصف الفرخة المتبله ونضع الرز كما بالصور
وياريت منكترش الحشو بصوا كده
ونلف الفرخه بعد الحشوة بهذا المنظر
ثم نلفها بورق الفويل ونخرج الجناح بره كما بالصورة
ثم نلف الجناح بقطعه من الفويل حتى لا يحترق ونخلى الطرف المفتوح من الفرخه تحت والجناح فوق
ثم يدخل الفرن لمدة من 15 الى 20 دقيقه وبعد كده نشيل الفويل بصوا كده
ونهدى النار حتى تتحمر بصوا كده
انا قدمتها مع خضار سوتيه بصوا كده
وطبعا ممكن تقدموها مع ملوخيه او اكل على ذوقكم وخصوصا فى رمضان
لو عجبكم قيمونى وبلاش تنسونى مواضيع هذا القسم برعاية
فريدة فى كل شىء فريدة فى كل شىء 591458_22.gif برنسيسة فتكات Fatakat 591458 القاهرة – مصر