مساء السكر على احلى فتاتيك
أنا بقى كنت نفسى أعمل بطاطس فريسكس وهموت عليها وبروح كوك دور مخصوص علشان اكل البطاطس ومش مهم الساندوتش قمت قعدت أدور أعملها إزاى وعرفت إزاى أعملها بس كنت مقلقلة كده وخايفة لا تبوظ وأضحك الناس عليا وأشمتهم فيا .وبعدين أخيرا قررت إنى لازم أجرب يعنى هقع فى البحر يعنى قمت قايمة على المطبخ وبدات التجربة وإليكم النتيجة بقى
والطريقة بقى :
أهم حاجة فى البطاطس التتبيلة ال هى مكونتها " كركم دقيق وتوابل فلفل وكمون وشطة وملح " ويتعجنوا مع بعض وتبقى العجينة أتقل من عجينة الكيك وأخف من عجينة البيتزا وده بقى علشان لازم التتبيلة تلزق فى البطاطس قبل ما تتحمر والبطاطس تكون مسلوقة نص سلقة علشان وانتى بتقطعيها سميكه شوية متتعبكيش ولا تتكسر منك .
تتحط البطاطس فى التتبيلة وتترك فى التلاجة لمدة نص ساعة ونطلعها علشان التحمير وهنا بقى فى حاجتين لازم يتعملوا أول حاجة هى إن الزيت لازم يكون مأدوح أوى وبعدين نوطى النار وتانى حاجة البطاطس تكون قليلة فى الطاسة علشان التتبيلة لو جنب بعض هتخليها تلزق فى بعضيها وهيبقى شكلها وحش جدا
ونورتونى وأسفة لو حد دخل وزعل أنه شم لقى الطريقة من الأول
قولولى بقى رأيكوا ايه بجد مواضيع هذا القسم برعاية
banotasha2ya banotasha2ya 144581_2.gif فتكات هايلة Fatakat 144581 المنصوره – مصر