ازيكوا يا احلى فتوكات
بعد بحث طويل على احسن خلاط واجيب مولينكس ولا كينوود الفتوكات هنا
قالو ان احسن خلاط مولينكس والكبة ومضرب البيض كينوود حلوين اوى
طبعا فى كتير نصحوا ان بلاش كيتشن ماشين لان لو الموتور باظ كلة هيقف
المهم اتصلت بخدمة العملاء لمولينكس عشان اشوف فين معارضهم
قالى ان فى معرض ف محطة مسرة اول ما بطلع من المترو ف عمارة بنزيون
طبعا روحت سألتة عن الخلاطات قالى فى خلاط 500 وات بمطحنتين ب 550ج وبخمس سرعات
وفى خلاط 600 وات بمطحنتين ب 650ج طبعا مولينكس فرنساوى انا كنت هجيب الى ب 550ج
بس الراجل قالى قافلة غطاء الشفشق بتاعة فيها حتة بلاستيكة بتتكسر قالى وانا
بقفلة اكسرت منى قبل كده فاشتريت الى ب 650ج هو سرعتين بس غطاة بيتقفل بسهولة الى هو دة
جيت اسألة عن الكبة قالى مفيش غير مصرى قولتلة ازاااى مش كلو هنا فرنساوى
قالى مفيش غير الخلاطات وكيتشن ماشين بس فرنساوى وخلاص دول اخر حاجة مش هيبقى فى فرنساوى
تانى لان احنا شركة زهران الى هنصنعه قالى لو عاوزة تجبية فرنساوى هاتيه ع طول
طبعا جبته وجبت مضرب البيض لاقيته ب 260ج من غير الوعاء لكن الى بالوعاء ب 360ج
بس صينى الى هو دة وبخمس سرعات
وبالنسبة لسعر كيتشن ماشين مولينكس 38 وظيفة ب 1900ج
دى
وفى كيتشن ماشين تانية الى هى بالضغط بس فى فتوكات قالو مش حلوة
هى فيها كبة وخلاط ومطحنه واحده بس و1000وات ب 900ج الى هى دى
وروحت بعد كده معرض بى تك ف مسرة بردو عشان اجيب كبة كينوود
لاقيت كبة بسلاحين ب 300ج جبتها الى هى دى
والكيتشن ماشين كينوود ب 1800ج و 1000وات باين 38 وظيفة بردو
وفى كيتشن ماشين كينوود ب 2260 ج بس معرفش اية الفرق بينهم
وخلاط كينوود 600وات ب 420ج بمطحنتين
الى عاوزة تجيب اى حاجة مولينكس فرنساوى تلحق تشترى ع طول
قبل ما يبقى كلو مصرى ومكتوب علي الخلاط من قدام made in france
وربنا يوفقكوا
queen dodooo queen dodooo 666855_4.gif فتكات متميزة Fatakat 666855 قليوب – مصر