السلام عليكم ورحمة الله
يا جماعة انا حامل وداخلة على الشهر التامن
يعنى يومين بالظبط وابقى اول يوم ف التامن
كنت عايزة اعرف منكم ازاى اقدر اصوم ان شاء الله من غير ما اتعب
ان شاء الله النهاردة اول سحور وبكرة صيام
وربنا يعينا كلنا على صيام وقيام رمضان
انا عندى المشيمة نازلة كلها تحت والنونو فوقيها
مع انه اتعدل واخد وضع الولادة راسه تحت ورجليه فوق بس المشيمة تحت منه
وعلطول بحس بضغط للأسفل
كأن النونو هينزل منى
ودايما ضغطى بيوطى وادوخ وكده
وباخد فيتامين ب مركب بعد الفطار
و اقراص حديد واسبوسيد بعد الغدا
وكبسولات كالسيوم بعد العشا
ياريت يا جماعة اللى عندهم خبرة ف الموضوع ده يفيدونى
لأنى نفسى اصوم من غير ما اتعب
وربنا يجازيكم كل خير على النصيحة::::
مستنية ردودكم
وشكرا مقدما لكل واحدة تفيدنى
sawsana_almotaim sawsana_almotaim 161733_2.gif فتكات هايلة Fatakat 161733 ارض الله الواسعة – مصـــر