السلام عليكم ورحمة الله
ياريت الامهات تفيدنى اللى عندها خبرة …وانا كتبت نفس الاعراض فى المواضيع المثبته لاستاذة هاجر وكمان اختنا الجميلة لى لى تيم
لانى قلقانة جدااااااااااااا
ربنا يجعل ردودكم فى ميزان حسناتكم ويرزقكم اللى تتمنو
من فضلكم ابنى عندة سنتين طفلى الاول ومعندهوش اى مشاكل فى الولادة الطبيعى وجسمانيا صحته حلوة ..بدء يظهر عليه علامات تقلق
العلامات اللى قلقتنى:
بيدور حوالين نفسة …مهارته اللغوية صفر رغم انى بودية حضانة بها اطفال عرب وانا مغتربة
بيروح ويجى فى نفس المكان ..بيحب لف العجل وفتح وغلق الابواب بصورة لا نهائية لو ملهتهوش فى لعب معاه…انطوائى مش بيلعب مع الاطفال فى الحضانة …مش بيتعلم حاجة رغم محاولاتى من اول التصقيف …او باى او يشاور بصوابعه
مش بيرد عليا اما انده عليه…احيانا يبكى بدون سبب واضح بالدموع الغزيرة..
العلامات اللى ممكن تطمنى:
بيلعب على العاب الايباد العاب اكبر من سنه..وبعرف يتعامل كويس مع التتش سكرينذكى
متنوع فى الاكل بس لازم الهيه فى لعبه الكترونية ذى الفون او الايباد
بيتفاعل معايا اما الاعبه بس احيانا بيمشى ويسيبنى
التواصل البصرى متوسط مش منعدم لكن برضه مش كويس
سؤالى
اولا انا مغتربة …والموضوع عندى مكلف لانه مش بيغطيه التأمين وانا قدامى كام شهر وانزل اجازة عشان اشخصه فى مصر
هل اللى كتبته من اعراض تقلقنى يستحق القلق لان الاهل بيقولوا عادى لانك مغتربة.وكل العيال فى السن ده كدة..ولو يستحق القلق اقدر اساعد بأى حاجة غير الحضانة والاهتمام بيه لغيت ما انزل مصر واعمل له الاختبارات
يعنى ممكن اديلوا اوميجا 3
على اساس انه حتى لومش حينفعه مش حيضره
وطبعا انا طفيت التلفزيون خالص عشان ينتبه معايا
وبخصص له وقت على قد ما اقدر
وربنا يطمنا جميعا على اولادنا ويشفى مرضى المسلمين
احبكم فى الله
♥ مهندسة و مفلسة ♥ ♥ مهندسة و مفلسة ♥ 312798_6.gif فتكات رائعة Fatakat 312798 القاهرة – مصر