السلام عليكم
كان نفسى حد من الفتوكات يكتب عن الويكا قبل ما تنقرض
وعلى فكره الويكا من الاكلات الخطيره جداً لعده اسباب انها مصريه ميه فى الميه من عصر الفراعنه
ثانياً سهله التخزين وتقدرى تعمليها فى اى وقت أحسن من الاكل المحفوظ وبيبقى عليه مواد حافظه
ثالثاً طعمها جامد جداً
رابعاً مايعرفهاش غير الصعايده القرارى يعنى الصعيد الجوانى
خامساً لسه مافيش بلد سرقت الاكله دى وقالت انها بتاعتها يعنى حقوق الاختراع مصرى ان شاء الله
معلش انا بس كنت حابه اعرفكم قيمه الويكا فى وطنيتها يا مصراويه
نيجى بقى للطريقه
انتى تجيبى الباميه وهى خضرا وتعقديها فى خيه زى العقد وتسيبيها لحد ماتنشف شهر او اتنين او اكتر
وبعدين تجرشيها بيد الهون طبعا زمان كان فيه خشبه بتتباع فى السوق اسمها مفراك بس مش هاتلاقوها دلوقتى
المهم بعد ماتجرشيها حسب الحجم اللى انتى عايزاه
تشوحى بصلايه وتحطى عليها عصير طماطم
وبعد ماتتسبك تحطى الويكا المجروشه وتسيبيها لغايه ما تستوى
وماتنسيش تكونى محضره كام فص توم حلوين وقرنين فلفل حراقين وتدقيهم كويس
وقبل ماتستوى بشويه حطيهم بيدو طعم وريحه تحفه
وبالهنا والشفا مواضيع هذا القسم برعاية
ملك رووحى ملك رووحى images/flowersavatars/avatar0025.jpg فتكات هايلة Fatakat 476438 مدينة الشروق – مصر
سبحان الله و بحمده