السلام عليكم يا احلى فتوكات
اليوم جبتلكو طريقة المقلوبة الفلسطنية للى طلبوها منى ويارب تعجبكو
بالاول بنجيب ب2 باذنجان و2 بصلات كبيرة وحمص مسسلوق ولحم او فراخ وتلات اكواب رز مصرى (المقادير لشخصين )
اول شى بنجيب بصلة ونفرمها على ايدينا جوانح وبنحطها فى الحله على النار مع شوية زيت او سمنة عشان نسلق اللحمة
وبعدين نحط اللحمة ونسيبها على نار هادئة لحد ما تنزل من ميتها وبعدين نحط عليها المية ونسيبها تغلى ونشيل من على وشها الريم ونسيبها نستوى
بالوقت هدا نقلى الباذنجان والبصل فى الزيت ونصفيه
وبعد ما تستوى اللحمة لاتنسو تقوها هيا كمان بس لا تخلوها تنشف يعنى يادوب بس تتحمر
وبعدين بنجيب الرز وبنحط عليه البهارات الملح والحبهان والكركم والبهارات الحمرة اللى بقولوها فلفل احمر والقرفة
وهون السر …لازم طبعا تغسلو الرز وتخلو فيه ميه ليطرى لكن السر ان الرز بعد ماتغسليه تصفيه كويس وتقومى واخده شوربة اللحمة او الفراخ وتجطيها عليه مش كتير يعنى كده بس
وبعدين تكون اللحمة استوت ونقليها طبعا ونجيب الحلة بتاعتنا
ونحط فيها شوية زيت وبعدين ناخد حبة رزونحطهم تحت عشان اللحمة ما تلزقش وبعدها نصف اللحمة ونحط الحمص والباذنجان و البصل (وفى ناس بتزود وبتحب تحط قرنبيط ووبطاطس ) وبعدين حنحط الرز وطبعا حنحط من مرقة الدجاج او اللحم
وبعد ما يستوى الرز نجيب طبق كبير ونحطه على الحله
ونقلب الحلة على الطبق كده
وهنا السر التانى ماتشيليش الحلة على طول جيبى معلقة خشب وخبطى عليها لحد ما يطلعلك حد هههه اقصد تخبطى شوية عشان الرز ينزل وده شكلها النهائى قبل مانقضى عليها
ها ايه رايكو فيها ياريت الكل تعجبه ويعلق ويقيم كمان ايوة مش خسارة فيا بقالى ساعتين بحمل الصور والله اتشهدت اول ما خلصت تاريها شغلانة خاصة انى صغرت الصور الاول
فى امان الله مواضيع هذا القسم برعاية
مامة يوسف مامة يوسف 245018_2.gif فتكات رائعة Fatakat 245018 العريش – مصر