أزيكم يا فتوكات جايبلكوا وصفة مكرونة على الطريقة الليبية سهله و لذيذة
بصوا أنا ماليش فى موضوع المقادير ده لكن هو تقريبا باكو المكرونة نعمل معاه نص كيلو لحمة تعالوا نبتدى
باكيت مكرونة النوع اللى بتفضليه و يفضل هنا مكرونة اقلام ( فرن ) أو أى نوع صغير
نص كيلو لحمة مقطعة مكعبات متوسطه و لو ريش أو من الدوش يبقى أفضل
بصلة كبيرة
نص كيلو عصير طماطم
2 قرن فلفل حامى مقلى فى الزيت
ملح فلفل حبهان زعتر ( اختيارى ) أو ريحان يستحسن طازج ( اختيارى )
ملعقتين زيت نباتى مع قطعة زبدة
الطريقة
نضع الحلة على النار تسخن و نضيف الزيت و الزبده
نضيف اللحمه و نقلب حتى تحمر مع ملاحظة أن تكون النار عالية
نضيف البصلة المبشورة و نقلب حتى ينشف الماء
نضيف عصير الطماطم و البهارات و نقلب و نترك المقدار حتى يتسبك
نضيف ماء كما لو أننا هانعمل شوربه و نترك المقدار حتى تستوى اللحمة
نضيف المكرونة من الكيس مباشرة على اللحمة بعد أن نتأكد أن كمية الشوربة كافية لسلق المكرونة و نقلب
بعد أن تستوى المكرونة و تشرب السائل ( مش مشكله لو الميه زيادة شوية طعمها هايبقى لذيذ )
نضيف الفلفل المقلى و نقلب تقليبة أخيرة
تقدم ساخنة
يا رب تعجبكوا أنا ولادى بيموتوا فيها لأن الطبق متكامل و لذيذ مواضيع هذا القسم برعاية
بحبك يا ربى بحبك يا ربى فتكات هايلة Fatakat 288272 القاهرة المعادى – يا حبيبتى يامصر
سبحان الله و بحمده