سلام عليكم
ازيكم يا شيفات جيت
اغلس عليك واقولك علي طريقتي
في عل الكشري بس بجد
هتعجبكم اوي احسن
من اي محل
وهيبقي عمايل ايديكي
المكونات
ربع كيلو عدس اصفر
نص كيلو رز
ثانيا
ربع مكرونه عاديه
ربع اسبجتي
ثالثا
ربع شعريه رفيعه
رابعا
ربع عدس بجبه الاسود
خامسا
ربع كيلو بصل شرايح رفيعه
مكونات التوميه
فصين توم
معلقتين خل
نص معلقه صغيره ملح
نص كوبايه ميه
ليمونه
معلقه كمون
صلصه الطماطم
فص توم
نص كيلو طماطم مضروبه في الخلاط
الطريقه
اولا نخلط الرز بالعدس
وفي حله علي البوتاجاز معلقتين زيت اول ما يسخن نحط كوبيتين مياه
واول مايغلي نكون مجهزين الرز بالعدس بعد غسيلهم ونحطهم
علي الميه مع شويه ملح وكمون
ثانيا نسلق المكرونه الاسبجتي والعاديه مع بعض
ونصفيها ونحطها في حله مع حته زبده وشويه زيت
ونرجعها علي البوتجاز علي نار هاديه اوي
لحد ما تطلع بخار وتستوي
ثالثاالشعريه نحمرها ونزودها ميه وشويه ملح ونسيبها تغلي
ونهدي عليها ونسيبها تستوي
رابعاالعدس بجبه
اللي هو اسود ده نجيبه ونسلقه لحد ما يستوي ونصفيه
من الميه
خامساالبصل نحمره في زيت ونصفيه
هيطلع مقرمش وجميل
التوميه
هنحط المكونات كلها علي بعض
ونقلبها كويس بجد بتطلع تحفه
صلصه الطماطم
نحمر فص توم وننزل عليه بعصير الطماطم
لحد ما تتسبك والشطه حسب الرغبه
طريقه التقديم
الرز بالعدس الاصفر تحت
عليهم المكرونه
عليهم الشعريه
وبعدين العدس بجبه
وفي الاخر البصل
وجنبهم الصلصه والتوميه
وبالف هنا وشفا بجد هيعجبكم جربوه
وادعولي ومتنسوش التقيم
لو عجبكم طعمه
مواضيع هذا القسم برعاية
منمن11 منمن11 images/bigsmilies/mood6.gif فتكات رائعة Fatakat 285061 طنطا – مصر
سبحان الله و بحمده