النهاردة حبيباتى موضوعنا الكبيبة الشامى اللذيذة
يالا نروح لمقاديرنا وطريقتنا
المقادير
نص كيلو لحمة مفرومة
كوب برغل ناعم انا استخدمت المج الزجاج
بصلة متوسطة مبشورة
ملح وفلفل
بهارات
لحمة متعصجة للحشو
الطريقة
اول حاجة نعملها نغسل البرغل كويس ونصفيه
ثم نضعه فى وعاء ونضع عليه كوب ماء
ونتركه حتى يتشرب ميته
ثم نضعه فى مصفاه حتى يصفى كل الماء اللى فيه اهم حاجة البرغل مايبقاش فيه ميه علشان الكبيبة ماتفكش مننا
ثم نضع البصلة المبشورة على اللحمة المفرومة ونضع عليها البرغل
ثم نفرمهم مع بعض فى الكبة حتى ينعموا
ثم نبل ايدينا بالزيت (مهم قوى نبل ايدينا بالزيت علشا الكبيبة ماتفكش معانا) وناخد حتة حتة من عجينة الكبيبة ونلف بصباعنا فى النص لعمل فجوة للحشو
ونحشيها بالعصاج
ونشكلها بايدينا المبلولة زيت زى ماقولنا
ثم نحمرها فى الزيت الساخن على حرارة متوسطة والزيت مايكونش غزير ولاقليل
وتقدم بالهنا والشفا
اترككم فى امان الله
مواضيع هذا القسم برعاية
شكشوكة بالفلفل شكشوكة بالفلفل 360618_8.gif ملكة فتكات Fatakat 360618 الاقصر – مصر