السلام عليكم ورحمة الله
انهرده جايبالكم اكله واااااااااااااااو روعه بجد اقل ما يقال عليها انها جميييييييييييله جدا
المهم عجبت زوجي جدااا وابني ما شاء الله حبوها
المقادير
للحشو
فرخة مسلوقه ومخلي لحمها
بصله مقطعه مكعبات
فلفل اخضر مكعبات
طماطم مكعبات
ماشروم …..اختياري
ملح وفلفل وبهارات
الكريب
كوب دقيق
كوبين الا ربع حليب
4بيضات
ملعقه كبيرة زبده
ملح وفلفل اسود
الصوص
اتننين عبارة عن واحد بشاميل ومقاديره
1/4كوب دقيق
كوب لبن
كوبين مرق
ملح وفلفل
الصوص التاني عبارة عن صلصة طماطم
ملعقة توم مفروم
ملعقة كبيرة زيت
اربع حبات طماطم عصير
ملح وفلفل
الطريقة
نحمر مكعبات البصل لحد ما تذبل
نضيف الفلفل ونحمر لحد ما يذبل
نضيف الطماطم ونحمر لحد ما تذبل
نضيف المشروم والفراخ ونستمر في التشويح
نرش الملح والفلف والبهارات
وبكده الحشو بقي جاهز
نضرب مكونات الكريب كلها مع بعض ف الخلاط ونسيبها ف التلاجة نصف ساعه
ودي صورتها بعد ما خرجت وقلبتها تاني
نحضر طاسة تيفال وندهنها زيت ونحطها ع نار عالية
نصب الكريب ف كوباية او كنكة صغيرة عشان تعرفي تتحكمي
تصبي حبة صغيرين جدا ربع الكوباية لو الطاسة كبيرة وتعدي تحركي الطاسه وتدوريها لحد ما يتوزع كويس وتسيبيه ع النار دقيقة واحد يكون اتحمر ترفعي بمعلقه تشوفي وتقلبيه ع الوش التاني بردو لحد ما يتحممر زي كده
واللي يستوي نحطه فوق بعضه ف طبق عشان مينشفش
بعد كده تجيبي واحده كريب وتحطي معلقتين حشو وتلفيها رول وترصيهم في صينيه تكوني داهناها زبده زي كده
وتحضري الصوص
البشاميل تضربي مكوناته ف الكبه ع البارد وترفعيها ع النار وتفضلي تقلبي لحد ما يمسك شوية
والطماطم تحمري التوم وتصبي عصير الطماطم يتسبك شويه
ورصيهم فوق الكريب الرول
ودي شكلها لما خرجت من الفرن
وده طبق الفتوكة اللي هتقيم
وده كمان جنب الكانيلوني
يارب يعجبكم وتقيموني علشان تعبت ف رفع الصور مواضيع هذا القسم برعاية
ام عبودي وميزو ام عبودي وميزو images/flowersavatars/avatar0010.jpg فتكات متميزة Fatakat 756688 الرياض – السعودية