بسم الله الرحمن الرحيم
السلام عليكم يا احلى الفتوكات
جيبالكم طريقة جامدة جدا للكابوريا احسن من المسلوقة 100 مرة
بجد طعمها جامد جدا و دة بس المكونات السرية ايلى بتتشوى بيها الكابوريا
كفاية رغى
المكونات:
كابوريا
شرائح بصل
شرائح طماطم
شرائح فلفل اخضر
كرفس مقطع خشن
ملح و فلفل و كمون
الطريقة:
– نضع الكابوريا فى صنية و نضع عليها شرائح البصل و الطماطم و الفلفل الاخضر و الكرفس
– ثم نضع عليها الملح و الفلفل الاسود و الكمون
– ثم نغطى الصنية بورق الفويل و ندخلها الفرن او
للمستعجلين ممكن نحطها على عين البوتجاز بنفس الطريقة و نقلبها بعد شوية لما تبدا تستوى و لونها يتغير
– بعد تمام السوى نشيل الكابوريا من الخضار و نقدمها بالف هنا و شفا و بكدة بتكون اتشربت كل طعم الخضار الجميل و بقى طعمها و ريحتها جميلة جدا
و على فكرة انا بعمل الجمبرى بنفس الطريقةساعات بعملة على البوتجاز و ساعات فى الفرن دى و بردة بيبقى طعمة خطيييييييييييييييييير
المكونات:
جمبرى مغسول
بصل
فلفل اخضر
طماطم
بهارات (ملح و فلفل اسود و كمون و كارى)
الطريقة:
– نقطع البصل و الفلفل الاخضر و الطماطم مكعبات و نضعها على الجمبرى
– ثم نضع عليهم البهارات و نقلب بالحلة بدون معلقة او شوكة حتى لا يتكسر الجمبرى
ثم نضع الجمبرى على نار متوسطة بدون ما نضع ماء لان الجمبرى و الخضار بينزلوا ماية كفاية و كمان الجمبرى بيتسلق بالبخار او نضعة فى صنية فى فرن حامى حتى يستوى
– نقلب الجمبرى بنفض الحلة حتى عندما يبدا يتغير لونة
نقلبة باستمرار حتى يستوى و بياخد حوالى 10 دقائق فقط
و دة شكلة النهائى
طعمهم جميل جداااااااااااااااااااااااا لازم تجربوة بالطريقة دى مش حتبطلوا تعملوها و متنسوش تدعوالى مواضيع هذا القسم برعاية
أم يارا و سارة أم يارا و سارة images/avatars/yellowflower.jpg فتكات رائعة Fatakat 171164 الغردقة – مصر