ازيكم يا قمرات عاملين اية بصوا احنا هنا مع بعض هنكتب تجربتنا مع دكاترة النسا واخطائهم معانا علشان كلنا نستفيد من بعض ونكون فاهمين الدكتور بتاعنا كويس ولا لاء مش عمالين نضيع وقت وفلوس وتعب وخلاص وكمان لو امكن هنسجل اسم الدكتور اللى تابعتى معاة وكان معندوش ضمير
لانى تعبت اوى من الدكاترة وبضايق اوى لما بعرف ان اى واحدة بتتابع مع دكتور بقالها فترة علشان تحمل مثلا وبقالها اكتر من سنة او اكتر معاة ومطلبش منها تعمل تحاليل الهرمونات او اشعة الصبغة او يتاكد انها مش عندها التهابات مثلا ماخرة الحمل وعمال يديها منشطات كل شهر وخلاص
وكمان ساعات فية دكاترة تدى منشطات من غير ما تتابع التبويض وتحدد حجم البويضة المناسب للتلقيح وتدى الحقنة التفجيرية وكمان كتير من الدكاترة تدى الجقنة التفجيرية ومتتابعش هل فعلا البويضة خرجت ولا كبرت واتحولت لكيس والكارثة بقة انة يكون قايلها لو محصلش حمل والبريود جات خدى من تانى يوم المنشط الفلانى من غير ما يتاكد ان البويضة خرجت ولا اتحولت لكيس لانة لو بقت كيس وخدت منشط طبعا دة كارثة لان الكيس هيكبر اكتر وقد تدخل فى متاهات هى فى غنى عنها
واما عن الدكاترة اللى بقة بتعمل تلقيح صناعى او حقن مجهرى حدث ولا حرج لسة قارية موضوع لواحدة عملت تلقيح صناعى ومتابعة مع الدكتور بقالها سنين ومطلبش منها تعمل اشعة بالصبغة خالص وطبعا كل مرة تعمل التلقيح يفشل لانها ببساطة عندها انسداد فى الانابيب وعمال يديها منشطات على الفاضى وزى ما انتو عارفين اد اية مرهقة المنشطات جسديا ونفسيا
ياريت اى واحدة عندها تجربة مع دكتور تقول تجربتها وياريت لو اسم الدكتور وبخاصة الدكاترة اللى بتعمل الحقن المجهرى لانى عارفة انة مكلف اووووووى فاى غلطة لا تغتفر للدكتور
وبرضة لو واحدة تحب ترشح لنا دكاترة نسا كويسين وعندهم ضمير تقولنا عليهم برضو كلنا نستفيد
ربنا يرزقنا جميعا بالذرية الصالحة الشافية المعافية الجميلة يارب اكتب لنا الحمل قريبا ياارب يارب ييجى رمضان علينا وكلنا حوامل
fsl hggi fsl hggi 427833_4.gif سوبر فتكات Fatakat 427833 cairo – egypt