السلام عليكم
احنا نوسة ونونة اختين هوايتهم الطبخ وعندنا وصفات كتييييييييييير اوي هنزلهالكم… ياريت تجربو وتقولو رأيكو
تابعونا و *****للمزيد من الوصفات على صفحتنا ابعتولي رسالة خاصة****
من أجمل وأخف الأكلات اللي كلنا بنحبها ويا سلام بقى لو عملتوها مع الأرز بالخلطة يممممم .. التتبيلة دي بتاعت ماما، معتمدة من زمان ومحدش بيدوقها غير وبيسأل عن وصفتها رغم إنها بسيطة وسهلة قويييييي..
المقادير:
فرخة كاملة (حوالي كيلو أو كيلو و200 جرام)
بصلاية كبيرة مبشورة
1 طماطم كبيرة مبشورة
ملح
فلفل
بهارات
عصير ليمونة كبيرة
الطريقة:
1- يتم خلط مقادير التتبيلة كلها معاً (بصل، طماطم، ملح، فلفل، بهارات، عصير ليمون).
2- تتبل الفرخة جيدًا بالتتبيلة وتترك في الثلاجة لمدة ساعتين (ولو تبلتيها قبلها بيوم يكون أفضل علشان تتشرب كويس).
3- توضع الفرخة في الصينية (ممكن تسيبيها مقفولة زي ما هي أو تفتحيها كما في الصورة) وتصب معها التتبيلة (علشان تعمل صوص) ثم نرش على الوجه قليل من الزيت أو السمن (علشان يديها لمعة ولون).
4- ندخل الفرخة في الفرن على درجة حرارة متوسطة إلى عالية وسيبيها تستوي براحتها (ولكن انتبهي حتى لا يحترق الصوص) وبعد ما تستوي افتحي الشواية علشان تاخد لون (بتعرفي انها استوت لما تغرسي فيها شوكة أو سكينة وتطلع ميا شفافة مش دم).
وبالهنا والشفا
ملحوظة:
– ممكن تقطعي بطاطس أو خضار مشكل وفرشه في الصينية تحت الفرخة لو حبيتي بحيث يتشرب من الصوص ويكون طعمه جميل.
– لو عايزة صوص كتير مع الفرخة ابقى زودي التتبيلة زي ما تحبي.
– كل ما نقعتي الفرخة في التتبيلة مدة أطول كل ما طلعت أحلى وأحلى.
– بلاش تزودي الزيت أو السمنة كتير لأن الفرخة هتنزل الدسم بتاعها في الصوص.
جدييييد****SCOTSH EGGS البيض الاسكتنلندي*** هتعجبكو جدااا
https://fatakat.univanet.com/#5277520
الكيكة المخمليةالرائعة Red Velvet وكل اسرارها وتفاصيلها- نوسة ونونة
https://fatakat.univanet.com/#5277380
جديييييد…. زلابية محشية بالجبنة أو لقيمات بالجبنة.. وهمية
https://fatakat.univanet.com/#5277508
فراخ محشية بالزعتر والثوم والليمون تجنن
https://fatakat.univanet.com/#5277468
لعشاق الخرشووووووف طاجن الخرشوف بالبشاميل بطريقتي
https://fatakat.univanet.com/#5277487
رووووعة… كفتة البطاطس باللحمة المفرومة أو بطاطس كروكيت باللحمة المفرومة
https://fatakat.univanet.com/#5277477 مواضيع هذا القسم برعاية
نوسة ونونة نوسة ونونة ممنوعة من المشاركة Fatakat 1125459 القاهرة – مصر