مقاديرها :_ دجاجة مقطعة ، ورق غار، قرفة، 5 بصلات حجم وسط ، توابل الدجاج ، زنجبيل مطحون ، سماق ، فلفل اسود ، صلصلة البندورة ، 2فص توم، لوز مقلي او فستق، زيت ذرة ،1فلفل اخضر نصف كيلو كفتة ، نصف كيلو رز طويل او حسب الرغبة ما بتفرق كتير ، رقاق ( خبز الفتةالمقرمش او الفراشيح )
الطريقة /اول شي بنسلق الدجاجة نصف سلقة يعني ما تستني عليها لغاية ما تستوي طبعا مع ورق الغار وبصلة وبس يمضي عليه نصف ساعة بتملحيه شوية وبترفعيه وحطيه على جنب . بنقطع البصل ترنشات وبندق الفلفل الاخضر مع التومة وبنتبلهم سوى مع البهارات كلها وبنحط عليهم شوية زيت ذرة وملعقتين صلصلة وكوب ماء وبتحطيهم عل النار مدة 15 دقيقة اول شي نار عالية وبعد هيك نار هادية بس يذبل البصل ويستوي حطيه عل جنب. بتنقعي الرز حوالي ربع ساعة في الماء . بننشل الجاج من المرقة وبنحطه في صينية تكفي للدجاجة وبنجيب خليط البصل والصلصة وبنتبل فيه الدجاجة من جميع الجهات بتحطيه كله على الدجاجة طبعا بكون فيه شوية مرقة ولو لقيته المرقة قليلة زوديها شوية بس ما تغرقيه لانو الدجاجة حتكمل استواها على البخار وبتغطي الصينية وبتسيبيه على نار متوسطة حوالي دقيقتين وبعدين خليه على نار هادية كتير حوال ساعة او ساعة الا ربع لغاية ما تشوفي الدجاجة استوت يعني جهزت . بتجيبي مقلى بتحطي فيه شوية زيت ذرة وشوية سمن بس يكون السمن اكتر من الزيت وبتقلي فيه اللوز بس يشقر لونه ارفعيه وخليه على جنب . اما بالنسبة للكفتة بتقلبيها مع شوية زيت ذرة وبتبليها بالملح والسماق والبهار العادي والفلفل الاسود والحبهان بس تستوى اطفي انار وخليها على جنب. بتصفي الرز من الماء كويس وبتقلبي الرز بنفس المقلى تبع اللوز علشان ياخد كل الطعم الموجود في الزيت المتبقى من اللوز قلبيه خمس دقائق وبعدهيك بتقدري لكل كاسة رز كاسة مرق واذا لقيتيه محتاج بتزوديه خليه يغلي دقيقتين وبعدين وطي النار خليها هادية كتير لغاية ما يستوي منيح. بتروحي للدجاجة اللي في الصينية وبتحطيها في الفرن للشواء من 3 الى 5 دقائق علشان تشويها شوية . كده اجا وقت التقديم : بتسقي الرقاق من مرقة الدجاج طبعا لازم تكون سخنة وبس يتشرب الرقاق المرقة بتحطي طبقة الكفتة فوقه وبعدين طبقة الرز الابيض والدجاج طبعا بالوسط ورشي عليها اللوز والفستق . بكده بتكون جاهزة يارب تنول اعجابكم وتردو عليا .صحة وهنا * فتكات مبتدئة * مواضيع هذا القسم برعاية
نفسي اضحك نفسي اضحك فتكات حبوبة Fatakat 113616 غزة – فلسطين
سبحان الله و بحمده