السلام عليكم ورحمة الله وبركاتة
ازيكوا يابنات
اليوم باذن الله تعالى هبتدى فى سلسلة المعجنات بطريقتى يارب تعجبكوا
يارب
بس المهم تلتزموا بالخطوات والمقادير
125 جرام دقيق.…… كوب واحد
200 جرام زبدة …… كوب واحد
كوب سكر = 200 جرام
كوب سكر بودرة = 125 جرام
كوب الزيت = 240 ملل
160 جرام سميد ……. 1 كوب
معدلات حرارة الفرن
…. مئوي….. فهر نهيت
منخفض جدا…. 110-120 …………225-250
منخفض…….140-150 ………… 275-250
معتدل……..160-180…………. 325-350
فوق المعتدل… 190-200 ……….. 375- 400
حار ……..220-230 ………… 425-450
حار جداً ……240 ……………. 475-500
المقاييس بالملليمتر
5 ملم….. ملعقة شاي
15ملم….. ملعقة طعام
30 ملم…. 1/8 كوب
60ملم….. 1/4 كوب
80 ملم…. 1/3 كوب
120 ملم…. 1/2 كوب
240 ملم …. كوب
300ملم….. 1/4 1 كوب
الرابط دة مهم وهيفيدكوا جداااااااااااا
اساسيات المخبوزات والمعجنات والحلويات من ام مريومة ومعاذ
# اختيار الطحين من النوع الفاخر ..و انخلي الدقيق عند استعماله في عمل المعجنات ليعطي عجينه
سلسه ولينه مع العجن..
# التأكد من صلاحية الخميرة وحفظها في وعاء مغلق وداكن بحيث لا يتعرض لضوء و تحفظ دائما في
الثلاجة
# يستحسن استخدام الماء الدافئ وليس الساخن أو البارد في عجن العجينة (نعرف ان درجة حرارة الماء مناسبة ازاى اقولك نجيب الماء وبصباعايدنا الصغير نحطة فى الماء وعدى لحد 10 لو ايدك اتحملت درجة الحررة دى لحد 10 ثوانى يبقى الحرارة مناسبة لانها لو ساخنة هتموت الخميرة تماما)
# مقادير العجن لآزم تكون بدرجة حرارة الغرفة.. ومآ تكون درجة حرارتها متفاوتة بين البرودة
والدفيء..
# تعجن العجينة لمده لا تقل عن 20 دقائق باليد او 15 دقيقة بالعجانة لتختلط المكونات مع بعض جيداً وهو اللى يخلى العجينةطرية وتخمر بسرعة
# بعد العجن نغطيها حتى لا تنشف وندخلها في مكان مظلم(لان الظلمة تجعل العجينة تخمر بسرعة )
من 12 الى ساعة على حسب درجة الحرارة عندك حتى تتخمر مرة اخرى قبل دخولها الفرن
– # بعد حشو العجينة وتشكيلها تترك لمده من 12 الى ساعة على حسب درجة الحرارة عندك
# لإكساب الفطائر لون ذهبي من الممكن اختيار احدى الملمعات التي تدهن بها الحبات قبل ادخالها
الفرن وهناك عجائن تكون ممتازة ولا نحتاج إلى دهنها :
١/ صفار بيضة مخلوط مع ٥ ملاعق طعام ماء
٢/ قليل من الحليب المخلوط مع قليل من السكر او لبن بودرة بمعلقة ماية ومعلقة سكر
# نشغل الفرن على حرارة عالية قبل دخول الصينية الفرن ب ١٥ دقيقة
# يجب عدم تعريضها لتيار الهواء عقب خروجها من الفرن بل وضعها في وعاء وتوضع في مكان
بعيد عن الهواء
نبداء بسم الله تعالى
بعد لما عملنا بامر الله
الفينو والبتى بان والكيزر والمينى كيزر
اليوم هنعمل التوست باذن الله
المقادير (التوست الابيض)
3 كوب دقيق
3 معلقة كبيرة لبن بودرة
1 ملعقة كبيرة خميرة
3 معلقة كبيرة سكر
1 معلقة كبيرة زبدة او سمنة
1 ملعقة صغيييييييييييييرة ملح
1 ملعقة صغيرة خل
12 معلقة صغيرة بيكنج بودر
من كوب الى كوب وربع ماء دافئ او اقل (على حسب نوع الدقيق)
…………………..
توست البر (الدقيق الاسمر )
المقادير
2 كوب دقيق ابيض
كوب دقيق اسمر (بر فاخر )
ملعقه كبيره خميره
3 ملاعق كبيره سكر
1معلقة كبيره زبدة
ملعقه صغيره ملح
كوب وربع ماء دافي
سمسم لرش الوجه او نخاله
الطريقة باذن الله
اولا انا بعجن بايدى بحس انوا افضل عشان اتحكم بالعجينة
اول شئ 4 ملاعق ماء دافئ (نعرف ان درجة حرارة الماء مناسبة ازاى اقولك نجيب الماء وبصباع ايدنا الصغير نحطة فى الماء وعدى لحد 10 لو ايدك اتحملت درجة الحررة دى لحد 10 ثوانى يبقى الحرارة مناسبة لانها لو ساخنة هتموت الخميرة تماما)
ونحط فى ال 4 ملاعق ماء الخميرة والسكر ونغطى الكوب كويس ونتركة 10 دقائق الى ربع ساعة لحد لما يختمر وترتفع
ثانيا نقوم بنخل الدقيق والملح واللبن البودر
ونعمل حفرة صغيرة فى النص كدةعشان نحط فيها باقى المقادير
وبعد ذلك نضيف الزبدة ثم الخميرة
وبعدين بقلبهم ثوانى بالمعلقة
ونتخلص من الملعقة ونبداء بالعجن بايدينا
نضيف الماء الدافئ واحدة واحدة مش كلة طبعا لان كل دقيق بيختلف
يعنى ضيفى مثلا نصف كمية الماءوبعدين الباقى حبة حبة لحد لما تحصلى على عجينة متماسكة مش سايلة ومش بتلتصق بايدك
لانك متنسيش ماء الخميره وكمان الزبدة وكل دي سوائل يعنى حطى الماية زى ما قلت واحدة واحدة
اوعى تزودى الماء لانوا هيطلع حاجة تانية غير توست ههههههه
دى الصورة بعد لما قعدت اعجن والت فيها اول 10 دقائق
اهم شئ انا بفضل اعجن فيها ييجى 20 دقيقة
يعنى الاول بعجن 10 دقائق وبعدين بغطيها ترتاح ربع ساعة وبعدين ارجع لها اعجنها تانى عشر دقائق
هتلاقى بسم الله ما شاء الله فرق معاكى جدا عجن الاعجينة المدة دى
عن تجربه فعلا افضل النتائج من العجن لمدةطويلة
والصورة دى اول لما غطيتها بعد اول 10 دقائق عجن
انا بغطيها بقماشة الاول ثم غطاء الطبق
ودى فى 10 دقائق عجن للمرة التانية
ودة شكل العجينة قبل التخمير لمدة ساعة لساعة ونصف
انا بغطى الطبق اللى فية العجينة بقماشة ثم بغطاء الطبق وبحط الطبق دة تحت بطانية
اة والله اصل عندى التكييف مبيديش فرصة للعجينة تخمر بسرعة
وبعد التخمير ما شاء الله تبارك الله لازم تترك للتتضاعف 3 اضعاف حجمها وتحسى كدة انها شفافة اتمنى تكون المعلومة وصلت
معلومة هااااااااااااااااامة
بعد التخمير انا مبعجنش العجينة انا بس بهبط العجينة بصوابعى والمها مش اعجنها اوعى تعجنيها تضيعى كل اللى احنا عملنااااااة
وهنا لما لميتها بايدى معجنتهاااااااااااش
وبعدين
نفردها على شكل مستطيل بس بعرض مناسب لقالب التوست اللى عندك
وبعدين نلفها رول ونقفل الاطراف ونحطوا فى قالب التوست مدهون ومرشوش بالدقيق بس القفلة تبقى من تحت
وهنا بعد لما سبتها تخمر من 2 ساعة الى 3 ساعات ما شاء الله تبارك الله