السلام عليكم ورحمة الله وبركاته ، ازيكم ياحوامل يارب كلكم بصحة وعافية
كل سنة وانتوا طيبين جميعا ( ولو انها جت متأخرة )
موضوعي النهارة على سبيل الفكاهة ، حاجة كوميدية بتحصل معايا بقالها فترة بس اليومين دول زادت قوي ..
انا حاليا في الشهر الثامن ، بس طول الحمل كانت حالتى الصحية مش تمام قوي بسبب مشاكل كتير في خط سير الحمل ، المهم وصلت للثامن وشكلي مرهق جدا وتعبان يعني من الاخر بقيت واحدة تانية ،
من بداية الشهر الخامس والدكاترة قالولي اني حامل في بنت ، والحمد لله رب العالمين ، وربنا يتم حملها وولادتها على خير وتكون سليمة معافاه ، وكمان عملت مرتين سونار رباعي مع طبيبن مختلفين وبرضه قالولي انها بنت ..
المهم بقي ان اى حد بيشوفني بيجزم انى حامل في ولد ، وفيهم ناس بتحلف كمان وفاكرني بقول بنت بالكذب ، وواحدة ست عجوزة ماتعرفنيش اصلا قابلتني عند الجزار وقالتلي انتى في بطنك ولد ولما قولتلها لا بنت ، قالتلي لا والله ولد ولما تولدي الولد ابقي افتكريني
انا بقي دلوقتي بجد زهقت قوي من الحوار ده ، تدخل الناس في الغيبيات بطريقة غريبة والاصرار كمان على رأيهم ..
والله فرحتى بالبنت ولا كانت هاتقل ولا هاتزيد لو كان ولد ، كله رزق ونعمة من الله واللي يجي من عند الله كله جنيل اصرارهم بس هو اللي مضايقني ، وبدعوا الله ان البنت توصل بالسلامة علشان اقولهم ( يافتايييييييييييييييين )
الوطن العربي الوطن العربي فتكات هايلة Fatakat 871542 القاهرة – مصر