السلام عليكم يا فتوكات النهارده عملت سبانخ مجمده والحقيق خفت تطلع مش حلوه بس ما قولكوش علي الطعم واو وانا علي طول بعمل سبانخ طازه ما ليش في المجمد بسم الله نبدأ
المكونات : بصله كبيره _ السبانخ المجمده _ معلقتين رز_ ملح وكسبره وبهارات _عصير طماطم
نحط البصل يتحمر مش بحب انه يكون دبلان
ولما اتحمر كده نزلت عليه بعصير الطماطم
وبعدين خلتهم علي النار شويه لغايه ما طلعت السبانخ من الكيس بعد ما فكت طبعا خاااالص ما تطبخيهاش هي ومجمده وده شكلها
وحطيتها في مصفي وصفتها من مايتها كويس اوي وما تتغسلش ابدا بتتحط زي ما هي
وبعد ما صفتها حطيتها علي الصلصه بس علي كده من غير تسبيك يعني مش لغايه ما الصلصه تنشف لا يا دوب غلوتين
وقلبتها كويس اوي مع الصلصه وزودت شويه مايه
وبعدين حطيت ملح وكسبره وبهارات كويتيه وبعدين غسلت معلقتين رز مصري وضفتهم عليها
وقلبت كويس وبشوف لو محتاجه شويه مايه صغيرين كل شويه بسيط قوي مش كتيير وبغطي عليها
ودي لما قربت تستوي
ودي بعد ما استوت واو
اعذروني لان الصور مش واضحه قوووي وعملت الموضوع ده لان في ناس كتييير بتخاف تعمل المجمده خوفا من انها يبقي طعمها وحش وانا كنت منهم وطبعا الطازه لا يعلي عليه ولكن بقي انا في غربه فبتصرف بقي ههههههه
بالله عليكم اللي تستفاد تدعيلي بالذريه الصالحه مواضيع هذا القسم برعاية
امة الله المسلمة الصغيرة امة الله المسلمة الصغيرة 667432_2.gif فتكات رائعة Fatakat 667432 الاحمدي – الكويت
سبحان الله و بحمده