ازيك يا قمرات فى بنوتات كتييييييير طليت منى طريقة الرجيم بتاعى مع حبيبة قلبى بذرة القاطونة او الساحرة زى ماكتير مسمينها
سموا الله وصلوا على الحبيب لمصطفى وعلى اله وصحبة اجمعييين
بسم الله
احنا اتفقنا اول تلات ايام هايكون نص معلقة صغيرة بذرة القاطونة كدة تمام
اول تالت ايام
1_الفطار: اول ما تصحى نص معلقة بذرة القاطونة تبلعيها بدون مضغ وتشربى كوب ماية او اتين انتى ومقدرتك بعدين نص رغيف اى عيش انتى بتحبية وبيضتين وجبنة
وبعديييييين مااااااااية اهم حاجة عشان تحسي بل الشبع
قبل الغذا هاتجيبى خميرة بيرة من الصيدالية ب8 جنية بتاخدى قرصين منها وتستنى نص ساعة وبعدين تتغدى هى مش بتخن طالما قبل الاكل يعنى ماتقلقيش
الغداء: طبق سلطة 8 معالق رز او مكرونة اللى تحبية وعلية خضار بس المهم تقللي الرز او المكرونة
واى نوع فاكه تحبيها تفاحة او برتقال او رمان وماتنسيش الماية
العشاء بقى: هاتخدى بذرة القاطونة نص معلقة بعدين كوبيتين ماية وتستنى نص ساعة بعدين هاتجيبى نص رغيف بلدى و2 بيضة مسلوقة او جبنة
وبعدين كوباية ماية
طيب حسيتى انك جعانة عشان الليل طويل انا معاكى هاتسلقى 3بيضات وتكليها كدا من غير عيش ممكن يكون عندك طبق سلطة فى التلاجة
طيب هاتقوليلى عايزة حاجة حلوة نفسي فيها هاقولك اتفضلى هاتى شيكولاتة وخدة قطعة واحدة بسسسس من البار مش كلها بس حتة من نفسك
المشروبات: امنعى تماما البيبسي والكوكاولات واى مشروب فى سكريات واكتفى بمعلقة او نص معلقة سكر فى مشروباتك
هاتقوليلى طيب ما فية اكلات ممنوعة ولازم احرم نفسي هاقولك والله دا اكبر غلط عشان كدا بعد ما بتخسيى بيكون عندك شرااااة جامدة من نحية الاكل وكدا ييبقة معملناش اى حاجة
احنا عايزين نخس اة بس مش معنا ذالك نموت نفسنا ولا نشبع اوووى
وانتى بل التدريج بتلاقى نفسك معدتك بتصغر ومش قادرة تاكلى وهو دا اللى مطلوب
طبعا بعد 3 ايام بتكون معلقة بذرة القاطونة بقت معلقة واحد قبل الفطار ومعلقة قبل العشاء
انا الحمد لله والله اكبر وماشاء الله خسيت فى اقل من شهر حوالى 5او 6 كيلو ولسة مكملة لحد ما اظبط نفسي
واهم نقطة فى الموضوع انك يكون عندك بيض مسلوق عشان هو دا اللى لو جوعتى يسندك لانة مافيهوش دهون كلة بروتين وكالسيم وبصراحة هو فعلا كان بيسندنى
والحلو فى الموضوع ان بذرة القاطونة بتحسسك بل الشيع ودا عشان ماتكليش كتييير
انا والله كتبت كل حاجة بصراحة ويااارب اكون فيدتكم واى حاجة انا تحت امركم ويارب يكون
بل العافية عليكم يااااارب
متنية تقيمكم الحلو يا قمرات
وادعولى انجح فى امتحناتى
عروسة البحرررر عروسة البحرررر 763356_2.gif فتكات هايلة Fatakat 763356 ام الدنيا – فى احلى بلد فى الدنيا مصر حبيبتى